പ്രിയ ബൂലോകരെ.............നമ്മുടെ ബെര്ളി, നമ്മള് ആരാധിക/ആരാധകരുടെ "കമണ്ണുകള്" സ്വീകരിക്കാതെ നിഷ്ക്കരുണം ആ ബ്ലോഗിന്റെ കമന്റ് ഓപ്ഷന് അടച്ച് പൂട്ടിയത് നിങ്ങള് അറിഞ്ഞിരിക്കുമല്ലോ. നിങ്ങളെ പോലെ ഞാനും അതീവമായി സങ്കടപ്പെട്ടിരിക്കുകയാണ് ആ ചങ്ക് കുത്തിക്കീറുന്ന വാര്ത്ത വായിച്ച്.
ആരാണ് നമ്മുടെ ബെര്ളിക്ക് കമന്റില് കൈവിഷം കൊടുത്തത്? ബ്ലൊഗിനാര്ക്കാവിലമ്മയാണെ സത്യം അത്തരം കൈവിഷം ആരെങ്കിലും കൊടുത്തിട്ടുണ്ടെങ്കില് അവര് പുഴുത്ത് മരിച്ച് ഈ ബൂലോഗത്ത് അലഞ്ഞ് തിരിയും, ബെര്ളിയുടെ ആരാധികമാരുടെ മെഴുകുതിരി പ്രാര്ത്ഥനയാല് പാലാ, ഭരണങ്ങാനം തുടങ്ങിയ മെട്രോ സിറ്റികളില് മെഴുകുതിരികള് തന്നെ കിട്ടാനില്ല എന്നാണ് എന്റെ സ്വന്തം ഭാര്യ അല്ഫോസാമ്മയുടെ കബറിടത്തില് പോയി പ്രാര്ത്ഥിക്കാന് പോയപ്പോള് പറഞ്ഞത്. ബെര്ളിയ്ക്ക് നല്ല ബുദ്ധി തോന്നാന് പുള്ളിക്കാരിയുടെ നിരന്തരമായ നിര്ബന്ധത്തിനു വഴങ്ങിയാണ് ഞാനീ പോസ്റ്റ് ഇടുന്നത്. ആ ഭരണങ്ങാനത്ത് അലയടിക്കുന്ന ബെര്ളിയുടെ ആരാധികമാരുടെ കണ്ണീരും, പ്രാര്ത്ഥനയും കണ്ട്, ഒരു ബ്ലോഗ് വിരോധിയായ എന്റെ ഭാര്യയ്ക്ക് പോലും അവളുടെ കരളിന്റെ ഡാന്സ്റ്റോബര് അടിച്ച് പോയതായി പറയുമ്പോള് ഊഹിക്കാമല്ലോ, ബെര്ളിയുടെ ബ്ലോഗില് കമന്റ് ഒഴുവാക്കിയതിനാല് നമ്മുടെ മലയാളക്കരയില് സംഭവിക്കുന്ന പ്രത്യാഘാതങ്ങള്.
കാര്യം ശരി. ബെര്ളിയുടെ ബ്ലോഗ്, ബെര്ളിയുടെ പോസ്റ്റ്, ബെര്ളിയുടെ കമന്റ് ബോക്സ്...... ഉണ്ണാത്തവന് ഇല കിട്ടാഞ്ഞിട്ട്, ഉണ്ടവന് പാ കിട്ടാഞ്ഞിട്ട് എന്ന പോലെയാണ് ബൂലോഗത്തില് കാര്യങ്ങള്, കമന്റിനു വേണ്ടി ദാഹിച്ചിരിക്കുന്ന ബ്ലോഗര്മാരുടെ വിഷമം മനസ്സിലാക്കാതെയല്ലേ ബെര്ളി കമന്റ് ഒപ്ഷന് അടച്ച് പൂട്ടിയത്. (നയവഞ്ചകന്)
ഇനി അതല്ല......ഇത് ബെര്ളിച്ചായന്റെ കുഞ്ഞുമനസ്സില് തോന്നിയ ഒരു വികൃതിയാണെങ്കില് അവര് ആരാധികമാരും ആരാധകരും അത് ക്ഷമിക്കാനും പൊറുക്കാനും തയ്യാറാണ്.
എത്രയോ ബ്ലോഗേഴ്സ് ഒരു പോസ്റ്റിട്ടിട്ട് വല്ല കൊടിച്ചി പട്ടി പോലും തിരിഞ്ഞു നോക്കാനില്ലാതെ ഈ ബൂലോഗത്ത് അലയുന്നു.....ജനപ്രിയ അശ്ലീലബോഗറായ ഞാന് തലക്കുത്തി നിന്നിട്ട് പോലും ഇന്നേവരെ ഒരു ഹാഫ് സെഞ്ച്വറി കമന്റ് പോലും കിട്ടിയിട്ടില്ല. ആ സമയത്താണ് ബെര്ളിച്ചായന് ഒരു പോസ്റ്റിട്ടാല് മാരാര് ചെണ്ടയില് കോല് വച്ച് അടിക്കുന്നത് പോലെ കമന്റുകള് പെരുമഴയായി വരുന്നത്. നല്ല കുട്ടിയായിരുന്നു ബെര്ളിയെങ്കില് ഞങ്ങളെ പോലുള്ള കമന്റ്ദാഹികള്ക്ക് ആ കമന്റുകള് ഒന്ന് തിരിച്ച് വിടാമായിരുന്നു, ഞങ്ങളുടെ കമന്റിനായിട്ടുള്ള വിശപ്പും മാറും, ആരാധിക/ആരാധകന്മാരുടെ കടിയും മാറുമായിരുന്നു. ബിസിനസ്സ് കണ്ണിലാത്ത ആദ്യത്തെ ഒരു പാലാക്കാരന് അച്ചായനായി പോയല്ലോ ഈ ബെര്ളി......
പിന്നെ എന്നെ വ്യക്തിപരമായി ബാധിച്ച ഒരു പ്രശ്നവും ഇവിടെ പറയാതെ വയ്യല്ലോ..........എന്റെ ഭാര്യ, ബെര്ളിയുടെ ആരാധികമാരുമായി പള്ളിയില് സംസാരിച്ചിരിക്കുന്നതിനിടയിലാണ് അവളുടെ ജീവന്റെ ജീവനും, കരളിന്റെ കുളിരുമായ സാജുച്ചായന്, നട്ടപിരാന്തന് എന്ന പേരില് ബൂലോഗത്തില് മലീമസമായ കാര്യങ്ങള് ബൂലോഗം വൃത്തികേടാക്കുന്നതായിട്ടറിഞ്ഞത്, വിശുദ്ധ ചന്തിയുടെ പേരില് പാതിരിമാരുടെ വക വഴക്കത് വേറെയും അവള് കേട്ടത്രേ...
ഞാനാണെങ്കില്, കേരളത്തിലേക്കുള്ള ഒരു പറിച്ച് നടല് ആലോചിക്കുന്ന ഈ സമയത്ത്, ഒരു നട്ടപിരാന്തനായി കേരളത്തിലേക്ക് വന്നാല് എന്നെ മൂന്ന് തലാഖുകള് ഒന്നിച്ച് ചൊല്ല്ലി മൊഴിചോല്ലുവാന് അവള് കാത്തിരിക്കുകയാണത്രേ.....(ഈ കഷണ്ടിത്തലയനെ കെട്ടാന് ഒരു പട്ടി പോലും വരില്ല എന്ന ഗമയാണ് അവള്ക്കെന്ന് എനിക്കറിയാം,)
അതിനാല് വളരെ വ്യസനപൂര്വ്വം അറിയിക്കട്ടെ............ഇനി മുതല് മൊട്ടത്തലയില് അശ്ലീലമായ നട്ടപിരാന്തുകള് വിരിയുന്നതല്ല.......മറിച്ച് ഞാനും എന്റെ ബ്ലോഗും ഭക്തിപ്രസ്ഥാനത്തിലേക്ക് തിരിയുകയാണ്.
ഇതില് എതിര്പ്പുള്ളവര്.......
മൊട്ടത്തലയാ........പോവല്ലേ........
നട്ടപിരാന്തുകള്..........വിരിയട്ടെ....
എന്ന മുദ്രാവാക്യം എഴുതി, എന്റെ കമന്റ് ബോക്സില് 100 കമന്റുകള് തികയ്ക്കുകയാണെങ്കില് ഞാന് മറിച്ച് ചിന്തിക്കുന്നതാണ്...അല്ലെങ്കില് ബെര്ളിയെക്കാള് കഠിനമായ തീരുമാനം ഞാന് നിങ്ങള്ക്ക് മുമ്പില് എടുക്കുന്നതായിരിക്കുമെന്ന് അറിയിച്ച് കൊള്ളുന്നു.
നിങ്ങള്ക്ക് നട്ടപിരാന്തന് ബ്രോഡ്കാസ്റ്റിംഗ് കോര്പ്പറേഷന് വേണോ?
അഥവാ
നട്ടപിരാന്തന് ഇവാഞ്ചിലിക്കല് ചര്ച്ചില് സുവിശേഷം പറയുന്ന സാജുജോണിനെ വേണോ?
തീരുമാനം നിങ്ങളുടെ കയ്യില്........
അറിയിപ്പ്.......
ഇത് എന്റെ കമന്റ് ബോക്സില് 100 കമന്റ് വരാനുള്ള സൂത്രവിദ്യ ഒന്നുമല്ലെന്ന് ഞാന് ആദ്യമേ അറിയിക്കട്ടെ. അങ്ങിനെ വേണമെങ്കില് എനിക്ക് നന്ദപര്വ്വം എടുത്തൊന്ന് പാരായണം ചെയ്താല് മതിയല്ലോ.