കാലാകാലങ്ങളായി ബൂലോകത്തില്‍ പോസ്റ്റിടാന്‍ ഓരോ സമയത്ത് ഓരോ വിഷയങ്ങളുടെ സീസണ്‍ആയിരുന്നു, ഉദാ: കറുത്ത ചായം പൂശല്‍, പോസ്റ്റ് മോഷണം, ബൂലോകമീറ്റും തിരുത്തല്‍വാദികളും, ലാവ്ലിന്‍, പിണറായിയുടെ വീട് പുരാണം, ബൂലോക കവിത വിവാദം, വി.ഖുറാന്‍-വി.ബൈബിള്‍ വിവാദം, അങ്ങിനെ അനേകം വിഷയങ്ങള്‍, അവസാനം ഇന്നത് “സത്വ“ബോധത്തില്‍ വന്ന് നില്‍ക്കുന്നു. പിന്നെ മുല, സെക്സ്,ചന്തി എന്നിവയില്‍ പി.എച്ച്.ഡി എടുത്തിട്ടുള്ള ചിത്രകാരന്‍, ബെര്‍ളി,നട്ടപ്പിരാന്തന്‍ തുടങ്ങിയ കൂതറകള്‍ മേയുന്ന ഇടങ്ങളില്‍ അധികം മനുഷ്യപറ്റില്ലാത്തത് ഞങ്ങളെപ്പൊലുള്ളവരുടെ ബ്ലോഗുകള്‍ക്ക് എതിരാളികള്‍ ഇല്ലെന്നുള്ളത് സന്തോഷിപ്പിക്കുന്നു.
ഇപ്പോള്‍ ബൂലോകത്ത് കാണുന്ന മറ്റോരു സവിശേഷമായ സംഗതിയും, എല്ലാവരും തുടരന്‍ ആയി എഴുതാന്‍ ആഗ്രഹിക്കുന്നതുമാണിപ്പോള്‍ ബൂലോക യാത്രവിവരണം. ബൂലോകയാത്രക്കാരന്‍ ആരാണെന്ന് ചോദിച്ചാല്‍ അത് നിരക്ഷരന്‍ ആണെന്ന് മുലകുടിക്കുന്ന കുട്ടികള്‍ വരെ പറയുന്ന മലയാള ബൂലോകകാലഘട്ടത്തിലെ സുവര്‍ണരേഖയില്‍ നിന്നും, ആ പാവം നീരുവിനെ ബൂലോക യാത്രവിവരണത്തില്‍ തോല്‍പ്പിക്കാന്‍ കച്ചക്കെട്ടിയിറങ്ങിയിരിക്കുന്ന കശ്മലന്മാരും, കൂതറകളായ പോങ്ങുമ്മൂടനും, നട്ടപ്പിരാന്തനും, അവര്‍ക്ക് പിന്നില്‍ പ്രവര്‍ത്തിക്കുന്ന സാമ്രാജ്യത്വവിരുദ്ധശക്തികളും അത്തരം കുലംകുത്തികള്‍ക്കെതിരെ വിജയിച്ചേ തീരൂവെന്ന് ശപഥം ചെയ്ത് പുതിയ പുതിയ മേച്ചില്‍ സ്ഥലങ്ങള്‍ തിരയുന്ന നിരക്ഷരന്റെ വാശിയുടെയും മത്സരത്തിന്റെയും കഥ ഇവിടെ തുടങ്ങുന്നു.......
ചതിയന്‍ നീരൂ.
സീന്‍ “വണ്‍”
ബൂലോകത്തിലെ ശക്തിദുര്‍ഗ്ഗമായ പുത്തൂരം ബ്ലോ‍ഗുവീട്ടിലെ പുലികളും പുലിച്ചികളുമായ 4-5 പേര് ചേര്‍ന്ന് എന്തോക്കെയോ പ്രതികാരവാഞ്ജയോടെ സംസാരിക്കുകയും, തയ്യാറെടുപ്പുകളും നടത്തുന്നു. അവിടെ അതാ നമ്മള്‍ക്ക് കാണാം തടിമാടന്മാരായ 3 ബ്ലോഗര്‍മാരെയും, 2 ബ്ലോഗിണിളെയും.... ബ്ലോഗര്‍ന്മാരില്‍ ഒരാള്‍ക്ക് നല്ല പ്രായമുണ്ട്, സന്തൂര്‍ സോപ്പിട്ട് കുളിക്കുന്നതിനാലാവാം. തൊലികണ്ടാല്‍ പ്രായം പറയുകയേയില്ല. പ്രായം കൂടിയ ആ ബ്ലോഗറെപ്പറ്റിപറയുകയാണെങ്കില്‍ ഹിമാലയം പോലെ ഉയരവും, നൈല്‍ പോലെ വീതിയുമുള്ള ഹിമാലയനുണ്ണി ചേകവര്‍. ആ ഹിമാലനുണ്ണിച്ചേകവരുടെ മകളും, സ്വന്തമായി കളരിയും, ആല്‍ത്തറയുമൊക്കെയുള്ള “മാണിക്യക്കല്ല്”; അദ്ദേഹത്തിന്റെ മകനും പണ്ടത്തെ ബൂലോകപുലിയും എന്നാല്‍ കൂതറ ബ്ലോഗര്‍മാരായ ചിത്രകാരന്റെയും, കാളിദാസന്റെയും, ബ്ലോഗിലൂടെയുള്ള അക്രമണം ഭയന്ന് ബ്ലോഗ് പൂട്ടി ബസ്സില്‍ കറങ്ങിനടക്കുന്ന പ്രശസ്ത ബ്ലോഗര്‍ വിശാലം ചേകവരുടെ സഹധര്‍മ്മിണിയുമായ “കൊച്ചു മാളു”. പിന്നെ മാണിക്യക്കല്ലിന്റെ മകനും,ഒരു ഫുട്ട്ബോള്‍ മൈതാനം പോലുള്ള നെറ്റിയും, തെങ്ങില്‍ കോളാമ്പി മൈക്ക് വച്ച് കെട്ടിയപോലുള്ള ചെവിയും, ഡാകിനി സ്റ്റൈല്‍ മൂക്കുമ്മുള്ള ബ്ലോഗര്‍ “നട്ട്സ്”, കൊച്ചുമാളുവിന്റെ മകനും ജനിച്ചപ്പോള്‍ തന്നെ 4 കിലോ 100ഗ്രാം തൂക്കമുള്ളവനും. അങ്ങനെ, അന്ന്‌ തുടങ്ങിയ 'അമ്മയെ കഷ്ടപ്പെടുത്തല്‍' ഇന്നും നിരന്തരം തുടരുന്നവനും, ബ്ലോഗര്‍ന്മാരില്‍ ആദ്യമായി 'ജീന്‍സ്‌' ധരിച്ച പരിഷ്കാരിയും ആദ്യമായി NH-47 കുറുകെ കടന്ന ധീരനും ഞാനാണെന്ന വിവരം അഹങ്കാരലേശമെന്യേയുള്ള ബ്ലോഗര്‍“പോങ്ങൂ”.
മാണിക്ക്യക്കല്ല് അതാ ഹിമാലയനുണ്ണിചേകവരോട് എന്തോ ദേഷ്യത്തോടെയും അതിലേറെ വിഷമത്തോടെയും പറയുന്നു...” അച്ചാ...അവന് നിര്‍ബന്ധിച്ചപ്പോള്‍ ഞാന്‍ നടന്നതെല്ലാം പറഞ്ഞു”
പൊങ്ങു “കൊടുംചതിയുടെ കഥ ഇന്നോളമാരും ഞങ്ങളോട് ഇതുവരെ പറഞ്ഞില്ല, മച്ചുനന്‍ നീരു കൂതറ ബ്ലോഗ് ടെമ്പ്ലേറ്റേ ഉണ്ടാക്കിതരുകയുള്ളുവെന്നും, ഒപ്പം ബ്ലോഗിന്റെ കമന്റ് ഒപ്ഷന്‍ ഡിസേബിള്‍ ആക്കി ചതിക്കുമെന്ന് അച്ഛന്‍ സംശയിച്ച് പറഞ്ഞപ്പോഴും, ഹിമാലയമുത്തച്ഛന്‍ പറഞ്ഞു ബ്ലോഗ് എഴുതി തഴമ്പിക്കാന്‍ മച്ചുനന്‍ നീരുവിന്റെ അടുത്തുതന്നെ പോവണമെന്ന് നിര്‍ബന്ധിച്ചു അല്ലേ?.
ഹിമാലയനുണ്ണിച്ചേകവര്‍...” ഉവ്വ്... ഞാന്‍ മാത്രമല്ല....എല്ലാവരും അവനെ അതിന് നിര്‍ബന്ധിച്ചു. എന്നെ ചതിക്കാന്‍ നീരുവിനു....അവന് മനസ്സുവരുമെന്ന് ഞാനെങ്ങനെ വിശ്വസിക്കും...മടിയിലുരുത്തി, മൊസ്സും, കീമാനും പഠിപ്പിച്ച എന്നെ ചതിക്കുമെന്ന് ഞാനെങ്ങനെ കരുതും”
മാണിക്ക്യക്കല്ല്....”എന്റെ സത്യം അച്ഛന്‍ മറന്നിട്ടില്ലല്ലോ? പിന്നെ കൊച്ചുമാളുവിനെ നോക്കി.. ”നാത്തുനെ.. പോങ്ങു.....നട്ട്സിന് തുണയായി പോവട്ടെ” പിന്നെ തിരിഞ്ഞു ചേകവരോടായി പറഞ്ഞു “അച്ഛാ....ഇവരെ അനുഗ്രഹിക്കണം”
ഹിമാലനുണ്ണിച്ചേകവര്‍, മാണിക്യകല്ലിനോടായി “ കുടിപ്പക തീര്‍ത്ത് തീര്‍ത്ത് ബ്ലോഗര്‍ന്മാര്‍ പരസ്പരം പോരാടി യാത്രാവിവരണം എഴുതി ബ്ലോഗര്‍മാരുടെ ബൂലോകം മുടിക്കണമെന്നാണോ നീ പറയുന്നത്“
മാണിക്യക്കല്ല് പകയോടെ പറഞ്ഞു “എന്റെ ആങ്ങളയുടെ ബ്ലോഗെഴുത്തിന്റെ കൊതി മാറിയില്ലെന്ന് അച്ഛനറിയില്ലേ....സങ്കടപ്പെട്ട് ആ ബസ്സില്‍ പെണ്ണുങ്ങളെ പഞ്ചാ‍രയടിച്ച് തേരാപാരാ നടക്കുന്നത് അച്ഛന്‍ കാണുന്നില്ലേ” അന്നേരം കൊച്ചുമാ‍ളൂ....“നിലവറയിലെ വെറുതെ കിടക്കുന്ന അദ്ദേഹത്തിന്റെ സോണിക്കുട്ടി എപ്പോഴും ഫുള്‍ ചാര്‍ജ്ജിലാണച്ഛാ....അതിലെ കീമാനെ ഞാന്‍ എപ്പോഴും അപ്പ്ഡേറ്റ് ചെയ്ത് നിര്‍ത്തിയിടാറുണ്ടച്ഛാ.....ഞാന്‍ ബ്ലോഗാന്‍ എന്നും റെഡിയാക്കി വച്ചിരിക്കുകയാണച്ഛാ”
ഹിമാലയചേകവര്‍...എന്തോ ആലോചിച്ച് പോങ്ങുവിനെയും..നട്ട്സിനെയും നോക്കി.....പിന്നെ മാണിക്യക്കല്ലിനോടായി പറഞ്ഞു.....”പോങ്ങു എത്രയ്ക്ക് ബ്ലോഗുമെന്ന് എനിക്കറിയാം....ഇവനോ...നട്ട്സ് എന്തുമാത്രം അടവും തടവും ഇവന് ബ്ലോഗിനെപ്പറ്റി അറിയാം”
മാണിക്യക്കല്ല് ആവേശത്തോടെ പറഞ്ഞു “ എല്ലാം ഉവ്വെന്നാണ് എന്റെ നോട്ടം...ബെര്‍ളിയുടെ ബെര്‍ളിത്തരത്തില്‍ കമന്റാന്‍ വിട്ട് മേലളവുകളും, കീഴളവുകള്‍ മുഴുവന്‍ മനസ്സിലാക്കിയിട്ടുണ്ട്“
ഇത് കേട്ട് വളരെ ദയനീയമായി ഹിമാലയന്‍ ചേകവര്‍ പറഞ്ഞു “മച്ചുനന്‍ നീരുവിന്റെ ബ്ലോഗില്‍ കറുപ്പടിക്കാന്‍ അതൊന്നും പോരല്ലോ മക്കളെ“ പിന്നെ മാണിക്യകല്ലിനോടായി..... ”മോളെ...... നീരുവിനെ ജയിക്കാന്‍ ഇവര്‍ക്കാവില്ല”
മാണിക്യക്കല്ല് ചുട്ട് പഴുത്ത ഇരുമ്പ്പോലെ മുഖം ചുവപ്പിച്ച് പറഞ്ഞു “നമ്മുടെ കമ്പ്യൂട്ടറിന്റെ യു.പി.എസ്സും ഒപ്പം ഇന്റര്‍നെറ്റു കണക്ഷനും, അടിച്ച് പോയിട്ടില്ല നമ്മുടെ ബൂലോകത്തിലെന്ന് അവന് എന്നെങ്കിലും അറിയണമല്ലോ“ പിന്നെ ഹിമാലയന്‍ ചേകവരുടെ ചാരെ വന്ന് പറഞ്ഞു..... “അച്ഛന്റെ ശിഷ്യരായ യാത്ര വിവരണം എഴുതുന്ന ബ്ലോഗര്‍മാര്‍ക്ക് ആര്‍ക്കും അറിയാത്ത, പറഞ്ഞുകൊടുക്കാത്ത എന്തോ രഹസ്യമായ ബ്ലോഗ് ടിപ്സ് ബാക്കിയില്ലേ അച്ഛാ......”
പിന്നെ എന്തോ മനസ്സിലുറച്ച് ഹിമാലയന്‍ ചേകവര്‍ തന്റെ ലാപ്പ്ടോപ്പിന്റെ ബാഗ് തുറന്നു....എന്നിട്ട് ചില അണ്ടര്‍വെയറുകള്‍ തുറന്നു കാണിച്ചു....സോറി....ചില സോഫ്റ്റ്വെയറുകള്‍ അവര്‍ക്കായി തുറന്നു കാണിച്ചു. ചില വിഡ്ജറ്റുകള്‍ അഡ്ജസ്റ്റ് ചെയ്തു ലാപ്ടോപ്പില്‍ ഇന്‍സ്റ്റാള്‍ ചെയ്തു. എന്നിട്ട് പറഞ്ഞു “ഇനി യാത്രവിവരണം എഴുതുമ്പോള്‍ ശ്രദ്ധിക്കുക....അതായത് ബ്ലോഗിന്റെ തുടക്കത്തില്‍ ഡാഷ് ബോര്‍ഡ് തുറക്കുമ്പോള്‍, ഈ പച്ച വിഡ്ജറ്റ് ഓണ്‍ചെയ്യുക, അപ്പോള്‍ വിക്കിപീഡിയ ആണെന്ന് തോന്നും. വായനക്കാര്‍, അല്ലെങ്കില്‍ നീരൂ ബ്ലോഗ് തുറന്ന് വായിക്കുമ്പോള്‍ ഗുഗില്‍ ലൈവ് സ്ട്രീറ്റ് വ്യൂവായി മാറുമെന്ന് കരുതും..കരുതണം. അവനെ ജയിക്കാന്‍ അതു കൊണ്ടേ കഴിയൂ....നീരുവിന്റെ ബ്ലോഗ് കറുപ്പടിപ്പിക്കുമ്പോള്‍ ഇത് പറയണം., ഇതു പറഞ്ഞേ ചതിയന്‍ നീരുവിന്റെ ബ്ലോഗ് കറുപ്പടിപ്പിക്കാവൂ. .....മുത്തച്ഛന്‍ ഹിമാലയനുണ്ണിചേകവര്‍ പ്രത്യേകം പഠിപ്പിച്ച് വിട്ടതാണെന്ന് പറയണം. എന്നെങ്കിലും നമ്മുടെ ബൂലോകതറവാട്ടില്‍ നിന്നും പകരം ചോദിക്കാന്‍ ആളുണ്ടാവുമെന്ന് അവന് കരുതിയിരിക്കില്ല... നീരൂ......................ചതിയന്‍ നീരു.....
അപ്പോള്‍ നട്ട്സ് അറിയാത്തവനെപ്പോലെ ചോദിച്ചു.....അപ്പോള്‍ ഹിമാലന്‍ മുത്തച്ഛന്‍ ഇതുവച്ചാണോ ഈ യാത്രവിവരണങ്ങള്‍ എഴുതുന്നത്.......മുത്തച്ഛന്‍ ചിരിച്ച് കൊണ്ട് പറഞ്ഞു.....”എടാ കുട്ടാ.....ഒരു വിക്കിപീഡിയയും.....ഒരു ഗൂഗിള്‍ എര്‍ത്തും, സ്ട്രീറ്റ് വ്യൂവും, ഫോട്ടോ എടുത്ത് കബളിപ്പിക്കാന്‍ ഫോട്ടോഷോപ്പും, ഇത്തിരി ഭാവനയും....എരിവിന് ഇത്തിരി ഷക്കിലയും ഉണ്ടെങ്കില്‍ ആര്‍ക്കും ബ്ലോഗ് യാത്രവിവരണം എഴുതിക്കൂടെ.......ഹഹഹഹഹ.....ഈ ഹിമാലയനുണ്ണി ചേകവര്‍ ആരാന്നാ നിങ്ങള്‍ വിചാരിച്ചത്.
പിന്നിട്......മുത്തച്ഛന്റെ കാല്‍ തൊട്ട് വന്ദിച്ച്.......പൊങ്ങുവും നട്ട്സും......ചതിയന്‍ നീരുവിന്റെ ബ്ലോഗ് പൂട്ടിക്കാനും, ബ്ലാക്കടിക്കാനും പുറപ്പെട്ടു.......ആ സമയത്ത്....നട്ട്സ്....ഹിമായലനുണ്ണിചേകവരുടെ കാലിലെ വിരലിലേക്ക് വീണ്ടും വീണ്ടും തിരിഞ്ഞു നോക്കി.....
സീന്‍ ടൂ....ടേക്ക് വണ്‍
സ്ഥലം.....ദുബായ് മീഡിയ സിറ്റി.
ഓഫീസ്: “നീരൂ ഇന്‍കോപ്പറേറ്റഡ്”
മനോഹരമായ ഓഫീസ്.........അവിടെ നീരുവിന്റെ യാത്ര ബ്ലോഗുകളില്‍ ഏറ്റവും കൂടുതല്‍ കമന്റുകള്‍ ഇട്ട സുന്ദരിയായ പെണ്‍ക്കുട്ടിക്ക് “നീരു ഇന്‍കോര്‍പ്പറേറ്റഡ്” സമ്മാനമായി നല്‍കിയ ജോലിയായ “ഫ്രന്‍ഡ് ഓഫീസര്‍ മാനേജര്‍“ ആയി വിലസുന്ന വളര്‍ന്ന് വരുന്ന പ്രസിദ്ധ ബ്ലോഗിണി കുട്ടി മിയ.
രണ്ട് ലാപ്പ്ടോപ്പും തൂക്കിപിടിച്ച് പോങ്ങുവും, നട്ട്സും ആ ഓഫിസിലേക്ക് കടന്നുവരുന്നു. ആ സുന്ദരിയായ കുട്ടിയെ കണ്ട് നട്ടപ്പിരാന്തന്‍ ബ്രോഡ്കാസ്റ്റിംഗ് കോര്‍പ്പറേഷനില്‍ ഇത്രയും നല്ല പെണ്‍ക്കുട്ടികള്‍ ഒരു ജോലിയിലും ഇല്ലല്ലോ എന്നോര്‍ത്ത് നട്ട്സ് ആദ്യമായി സ്വയം ശപിച്ചു.......
ഹായ് ഗുഡ് ഈവനിംഗ്......പൊങ്ങുവും നട്ട്സും...പലകപ്പല്ലുകള്‍ ഇളിച്ച് കാട്ടി ആ കുട്ടിയോട് ചിരിച്ചു
ഹായ് ഗുഡ് ഈവനിംഗ് സാര്‍......ഹൌ ക്യാന്‍ ഐ ഹെല്‍പ്പ് യൂ ബോത്ത്....
കുട്ടിയുടെ വാക്കിലെ ഇന്നര്‍മീനിംഗ് മനസ്സിലാക്കി......പോങ്ങു നട്സിന്റെ കാലില്‍ അമര്‍ത്തിച്ചവിട്ടി....
ഹായ് ഐ ആം ബ്ലോഗര്‍ പോങ്ങ്സ്.....ബ്ലോഗനയുടെ സ്വന്തക്കാരന്‍ എന്നു പറഞ്ഞാല്‍ എല്ലാവരും അറിയും ....ഹായ് ഐ ആം ബ്ലോഗര്‍ നട്ട്സ്.......ഞങ്ങള്‍ രണ്ടും സ്വയം പരിചയപ്പെടുത്തി...
നട്ട്സ് എന്ന പേര് കേട്ടതും....പണ്ടത്തെ സിനിമയില്‍ കെ.പി ഉമ്മറിനെ കണ്ട പ്രമീളയെപ്പൊലെ ആകെ ഭയചകിതയായി ആ ബ്ലോഗിണി “സാര്‍..........” എന്ന് അലറി വിളിച്ചു അകത്തെ ഒരു മുറിയിലേക്ക് ഓടികയറി. ആ മുറിയില്‍ ഉപവിഷ്ടനായിരിക്കുന്ന ജഗജില്ലിയാണ് ബൂലോകയാത്രവിവരണത്തിലെ സര്‍വ്വതന്ത്രകുതന്ത്രനും, യാത്രചൂഡാമണിപട്ടം കിട്ടിയവനുമായ നിരക്ഷരന്‍ എന്ന ബൂലോകചതിയന്‍ മച്ചുനന്‍ നീരു......മച്ചുനന്‍ പുതിയതായി വാങ്ങിയ ആപ്പില്‍ ഐപ്പാഡില്‍ തന്റെ ബ്ലോഗ് ഓണ്‍ ചെയ്ത് ഒരു യാത്ര വിവരണം എഴുതാന്‍ തുടങ്ങുന്നതിന് മുമ്പുള്ള പ്രാര്‍ത്ഥനാമന്ത്രം ചൊല്ലുകയായിരുന്നു. ആ ബ്ലോഗിണി ഞങ്ങളെ ചൂണ്ടി എന്തോ നീരുവിനോട് പറയാന്‍ ശ്രമിച്ചു..വായില്‍ നിന്നും ഒന്നും വന്നില്ല.
സര്‍വ്വതന്ത്രഗൂഗുളാ‍യ സര്‍വ്വതന്ത്രബ്ലോഗായ സര്‍വ്വകാല ദേശാടനായ ശുഭായ ഇന്റര്‍നെറ്റായ നമ:
മന്ത്രം ചൊല്ലിക്കഴിഞ്ഞു കണ്ണുതുറന്ന് നോക്കിയ ചതിയന്‍ നീരു കാണുന്നത്...പേടിച്ച് വിറച്ച് നില്‍ക്കുന്ന കുട്ടി മിയയെയാണ്. ങും......എന്തു പറ്റി പെണ്ണെ നിനക്ക്......
‘അത്....അത്....ബ്ലോഗനയുടെ സ്വന്തക്കാരന്‍................... പിന്നെ.......നട്ട......”
ബ്ലോഗനയെന്ന പേര് കേട്ടയുടനെ.....നീരു വികാരവിശ്വംഭരനായി....പിന്നെ എന്തോ പഴയകാലം ഓര്‍ത്തു.....എന്തോ സ്വയം ഉച്ചത്തില്‍ പുലമ്പി.
മാതൃഭൂമിയില്‍ ബ്ലോഗനയുണ്ടെങ്കില്‍ ഞാന്‍ വാങ്ങിയിരുന്നോ ആ വാരിക..... ഇല്ലെന്ന് പറയുന്നതാണ് സത്യം.. എന്റെ മോഹം....എന്റെ ധ്യാനം.. എന്റെ രക്തത്തില്‍.....എന്റെ ഞരമ്പുകളില്‍ പതിമൂന്നാം വയസ്സുമുതല്‍ പടര്‍ന്ന് കയറിയ ഉന്മാദമായിരുന്നു ബ്ലോഗന. ആ ബ്ലോഗനയെയാണ് ഞാന്‍ ഉപേക്ഷിച്ചത്..ഈ ചതിയന്‍ നീരുവിന്റെ ഒരു പോസ്റ്റും ബ്ലോഗന അര്‍ഹിക്കുന്നില്ല. ബ്ലോഗനേ..നീ പോങ്ങുവിന്റെ പോസ്റ്റിനാല്‍ കൂടുതല്‍ അംഗികരിക്കപ്പെടട്ടെ. കൂടുതല്‍ ഉയരത്തില്‍ നീ ബ്ലോഗനേ.. അറിയപ്പെടട്ടെ.
അത് കേട്ട് കുട്ടി മിയ.... ചതിയന്‍ നീരുവിനോടായി ചോദിച്ചു..... “ അല്ല എന്തു കണ്ടിട്ടാണ് ആ ബ്ലോഗന.. തറയായ ആ പോങ്ങുവിന്റെ പോസ്റ്റുകള്‍ കൂടുതലും വെട്ടിചാര്‍ത്തി ആ പേജ് നിറയ്ക്കുന്നത്...അല്ല ആളുകള്‍ ചോദിക്കുന്നതങ്ങനെയാണ്...
നീരു ഒരു ദേവദാസിനെ പോലെ ക്രുദ്ധനായി കുട്ടിമിയയെ നോക്കി, എന്നിട്ട് ബ്ലോഗിണിമാരോടുള്ള ദേഷ്യം സ്വന്തം വാക്കിലൂടെ പുറത്തേക്ക് പൊട്ടിയൊഴുകി... “മാലോകരുടെ ചോദ്യത്തിനോ അതോ നിനക്കോ ഉത്തരം വേണ്ടത്.....പറഞ്ഞുതരാം.....നീയടക്കമുള്ള ബ്ലോഗിണികള്‍....ആരും കാണാത്ത ബ്ലോഗുകള്‍ കാണും....ഇഷ്ടമില്ലെന്ന് പറഞ്ഞു കൂതറ പോസ്റ്റുകള്‍ വായിക്കും...വായിച്ച് ചിരിച്ച് കമന്റിടാതെ പോവും....ഒരു പാരഗ്രാഫ് എഴുതാന്‍ ആഗ്രഹിച്ചാലും ഒരു സ്മൈലി ഇട്ട് പോവും.. അല്ലെങ്കില്‍ അനോണിയായി വന്ന് തെറി പറഞ്ഞിട്ട് പോവും.....ഇതല്ലാതെ വേറെ വല്ല കമന്റ് വിദ്യയുണ്ടെങ്കില്‍ നീ എനിക്ക് പറഞ്ഞു താ...” ഇത് കേട്ട് കുട്ടി മിയ സങ്കടത്തോടെ തല താഴ്ത്തി.
സങ്കടം പറഞ്ഞു തീര്‍ന്നപ്പോള്‍ ചതിയന്‍ നീരൂ....വീണ്ടും ബ്ലോഗ് മന്ത്രം ജപിച്ചു..“സര്‍വ്വതന്ത്രഗൂഗുളാ‍യ സര്‍വ്വതന്ത്രബ്ലോഗായ സര്‍വ്വകാല ദേശാടനായ ശുഭായ ഇന്റര്‍നെറ്റായ നമ:”
ആ സമയത്ത് ആ റൂമിലേക്ക് പോങ്ങുവും..നട്ട്സും നടന്ന് കയറി..... അവരെ കണ്ട് ചതിയന്‍ നീരൂ....
.ങും......ആരാ മനസ്സിലായില്ലല്ലോ......
ഞങ്ങള്‍ നീരു ചേകവരുടെ അടുത്ത് നിന്നും യാത്രവിവരണത്തിന്റെ ബ്ലോഗ് പോസ്റ്റുകള്‍ എഴുതി പഠിക്കാന്‍ വന്നവരാണു” പോങ്ങു മറുപടി പറഞ്ഞു.
ചിരിച്ച് കൊണ്ട് ചതിയന്‍ നീരൂ.... “ഇവിടെയിപ്പോള്‍ ബ്ലോഗെഴുതാന്‍ പഠിപ്പിക്കുന്നില്ല....ഒന്നുകില്‍ അപ്പുചേകവരുടെ ആദ്യക്ഷരകളരിയിലോ, ചിത്രകാരന്‍ ചേകവരുടെ കേരള ബ്ലോഗ് അക്കാദമിയിലോ, അതുമല്ലെങ്കില്‍ മുള്ളൂക്കാരനൊക്കെ നടത്തുന്ന ബ്ലോഗ് കൌന്‍സിലോ പോവുക”. അതിരിക്കട്ടെ... എവിടെ നിന്നും വരുന്നു...
ഞാന്‍ ബഹറൈന്‍ ബൂലോഗത്ത് നിന്നും.....നട്ട്സ് പറഞ്ഞു..........
ഓഹ്..ബഹറൈന്‍ ബൂലോഗമൊന്നും എനിക്കറിയാത്ത സ്ഥലമല്ലല്ലോ മക്കളെ......ബ്ലോഗിന്റെ പേരെന്താ മക്കളെ ??? ആ സമയത്ത് നട്ട്സ് സ്വന്തം ഫ്ലാഷ് മെമ്മറി ഉയര്‍ത്തികാണിച്ച് പറഞ്ഞു.
“നട്ടപ്പിരാന്തുകള്‍......
ഇത് കേട്ട് എന്തോ ആലോചിച്ച്.........സങ്കടവും....വാത്സല്യവും മനസ്സിലടക്കിപ്പിടിച്ച് നീരുചേകവര്‍ ചോദിച്ചു..... “നട്ടപ്പിരാന്തുകള്‍ എന്നു പറയുമ്പോള്‍........”
മൊട്ടത്തലയിലെ നട്ടപ്പിരാന്തുകള്‍...........
ബ്ലോഗിന്റെ പേര് പറയുന്നതിലും ഭേതം....പുറം തിരിഞ്ഞ് ആ ചന്തികാണിക്കുന്നതാവും നല്ലത്... ചന്തികഥകളുടെ സുല്‍ത്താന്‍ ആണല്ലോ.... ഗ്രഹനില ഒത്ത് കിട്ടിയാല്‍ സൌകര്യവും തഞ്ചവും നോക്കി പല ചന്തികഥകളും എഴുതാന്‍ മിടുക്കനാണല്ലോ.. കീമാന്‍ ഉള്ള ഒരു കമ്പ്യൂട്ടറും, ഇരുളിന്റെ മറവും കിട്ടിയാല്‍ ചന്തികഥകള്‍ എഴുതാന്‍ നല്ല രസമാണല്ലോ...നിങ്ങള്‍ കുടുംബക്കാര്‍ക്ക്.... പണ്ട് കൂതറ തിരുമേനിയില്‍ എഴുതിയിരുന്ന നട്ടപ്പിരാന്തിനോ.... അതിലെ എഴുത്തിന് ഇത്തിരി എരിവ് കൂടുതലായിരുന്നു.
തെറിക്കുത്തരം മുറിപ്പത്തല്‍ എന്നകണക്കിന് നട്ട്സ് അതിനു മറുപടി പറഞ്ഞു. “കമ്പനിയിലെ ജോലി സമയത്ത്, ജോലി പോലും പെന്റിംഗില്‍നിര്‍ത്തി വച്ച് മാത്രമേ ഞങ്ങള്‍ ചന്തമേറുന്ന ചന്തികളുടെ ചന്തത്തിലുള്ള പോസ്റ്റുകള്‍ ഇട്ടിട്ടുള്ളു..അതാണ് ഞങ്ങള്‍ ബഹറൈന്‍ ബൂലോകത്തിന്റെ പതിവ്.
പിന്നെ നീരു ചേകവര്‍...പോങ്ങുവിനെ നോക്കി ചോദിച്ചു............”നീയോ??”
ഞാന്‍ പോങ്ങുമ്മൂടന്‍.......
കമല്‍റാം സജീവിനെ ശരീരം കാട്ടി ഭീഷണിപ്പെടുത്തി, ബ്ലോഗനയുടെ ചാരിത്ര്യം നശിപ്പിച്ചവന്‍ എന്നു പറയുന്നതാവും ശരി........ മക്കളെ...ഹിമാലയനുണ്ണി ചേകവരുടെ കയ്യില്‍ നിന്നും പഠിച്ചതില്‍ കൂടുതല്‍ ഒരു ബ്ലോഗ് ടിപ്സും തരാന്‍ എന്റെ കയ്യില്‍ ഇല്ല. നിങ്ങള്‍ക്ക് മടങ്ങാം..... ഹിമാലയനുണ്ണിചേകവര്‍ക്ക് ഇപ്പോഴും..............
പോസ്റ്റ് വായിക്കാന്‍ വന്നവരല്ല ഞങ്ങള്‍.... പോങ്ങൂ അലറി
പിന്നെ......
വിശാലഅമ്മാമന്റെ യാത്രവിവരണപ്പോസ്റ്റില്‍ തെറിക്കമന്റുകളും, യാത്രചെയ്യാതെ യാത്രവിവരണം എഴുതുകയാണ് എന്നു പറഞ്ഞു, അമ്മാവന്റെ പോസ്റ്റ് പൂട്ടിച്ചതിന് മൊഴി ചോദിക്കാന്‍ വന്നവരാണ് ഞങ്ങള്‍.....ഒരുങ്ങിക്കോ നീരു ചേകവരെ....
മോനെ നട്സെ, നിന്റെ അമ്മ മാണിക്യം ടെസ്റ്റിമോണിയല്‍ ഒന്നു ഇട്ടു തന്നില്ലേ ബ്ലോഗില്‍..... അറുംബോറന്‍ പോസ്റ്റുകള്‍ ഇടുന്ന ബ്ലോഗറെ കാണാന് പോവുമ്പോള്‍ ഉപദേശമൊന്നും.......പണ്ട് സഞ്ചാരം പരിപാടി ടിവിയില്‍ കാണുമ്പോള്‍ എനിക്കും തന്നിരുന്നു ചില ഉപദേശം നിന്റെ അമ്മ മാണിക്യക്കല്ല്.
ഉവ്വ്....നേരിട്ട് ഒരു സ്ഥലത്ത് പോയി ഒരു പോസ്റ്റിട്ടാല്‍ അത് ബ്ലോഗിനു അഭിമാനം എന്ന് പറഞ്ഞിരുന്നു....മാത്രമല്ല, ചതിയന്‍ നീരുവിന്റെ ബ്ലോഗ് പൂട്ടിച്ച്, ബൂലോഗര്‍ എല്ലാം അതില്‍ പ്രതിഷേധിച്ച് കറുപ്പടിച്ചാല്‍ അത് ബൂലോകത്തിന് പെരുമതന്നെ എന്ന് പറഞ്ഞിരുന്നു...അങ്ങിനെ പറഞ്ഞു എന്റെ ബ്ലോഗമ്മ...മാണിക്യക്കല്ല്....
അങ്ങിനെ പറയാന്‍ ബ്ലോഗമ്മയായി ഒരുത്തിയേയുള്ളു.......”മാണിക്ക്യക്കല്ല്” ചുരികയേക്കാള്‍ മൂര്‍ച്ചയുണ്ട് എന്നും നിന്റെ അമ്മയുടെ കമന്റുകള്‍ക്ക്.... ബൂല്ദ് അക്ഷരത്തില്‍ നല്ല ചുവന്ന 24 ഫോണ്ട് സൈസില്‍ കമന്റീടാം എന്നും പറഞ്ഞിരിക്കുമല്ലെ.
കലികയറി.ചതിയന്‍ നീരു ഉറഞ്ഞുതുള്ളി “സുനില്‍ പണിക്കരെക്കൊണ്ട് കാരിക്കേച്ചര്‍ വരപ്പിച്ച്, നന്ദപര്‍വ്വം നന്ദനെക്കൊണ്ട് തലക്കെട്ട് ഉണ്ടാക്കി ബ്ലോഗ് സുന്ദരമാക്കിതരാം എന്നും പറഞ്ഞിരിക്കുമല്ലോ നിന്റെ അമ്മ. ല്യേ........... അതിലേറെയും കമന്റും നിന്റെ അമ്മ. പോഡ്കാസ്റ്റില്‍ കവിതയായി വിരിയിക്കാന്‍ ഏത് കൂതറപോസ്റ്റും ജനിക്കുമല്ലോ നിന്റെ അമ്മയുടെ ആല്‍ത്തറയില്‍ നിന്നും. എല്ലാ പെണ്ണുങ്ങള്‍ക്കും പകര്‍ത്തി പേസ്റ്റാന്‍ പാകത്തിന് ആ നട്ടപ്പിരാന്തില്‍ കമന്റാന്‍ നിന്റെ അച്ഛനും കിട്ടിയല്ലോ ഒരു ടെസ്റ്റിമോണിയല്‍
പെണ്ണായ ഞാനും വായിച്ച് കമന്റുന്നല്ലോ നട്ടപ്പിരാന്തില്‍
ആണായ നിങ്ങളെന്ത്യേ കമന്റുന്നില്ല നട്ടപ്പിരാന്തില്‍
പാവം...തോന്ന്യാശ്രമത്തിന്റെ കാലദോഷം.....
പോസ്റ്റിട്ട് കഴിഞ്ഞിട്ട് മതി......നീരു അമ്മാവാ...... കമന്റിനെപ്പറ്റി ഈ പറച്ചില്‍.......... പോങ്ങൂ കയര്‍ത്തു
നീരു അമ്മ്മ്മ്മ്മ്മ്മ്മ്മ്മാ‍ാ‍ാ‍ാ‍ാ‍ാ‍ാ‍വന്‍....
പിന്നെ ഉള്ളില്‍ വന്ന സങ്കടവും.....വിഷമവും....നീരുവിന്റെ വാക്കുകളില്‍ ചിതറിക്കിടന്നു..
ചതിയന്‍ നീരുവിന്റെ പോസ്റ്റിനെപ്പറ്റി നിങ്ങള്‍ക്ക് എന്തറിയാം....
ആവിശ്യത്തിലേറെ...... നട്സാണ് അതിന് മറുപടി പറഞ്ഞത്.
“ചതിയന്‍ നീരുവിന്റെ കൂതറപോസ്റ്റുകളെക്കുറിച്ച് നിങ്ങള്‍ക്കെന്തറിയാം... സഞ്ചാരം യാത്രവിവരണത്തില്‍ കാണിക്കാത്ത ഭാഗങ്ങള്‍ സന്തോഷ് കുളങ്ങരയുടേ കയ്യില്‍ നിന്നും 16 പണം കൊടുത്ത് വാങ്ങി പോസ്റ്റുന്നവന്‍ നീരൂ. ഹിന്ദുത്വത്തിന്റെ ചിഹ്നമായ “ഓംക്കാരം ബീച്ച്” ഫോട്ടോഷോപ്പിലൂടെ ഉണ്ടാക്കി ഹിന്ദുത്വത്തിന്‍െ കുഴലൂറ്റുകാരനായവന്‍ നീരൂ. സ്വന്തമായി വേര്‍ഡ്പ്രസ്സില്‍ ഒരു ഡോമൈന്‍ നാമം തരാമെന്ന് പറഞ്ഞ് സഹായിച്ച കൈപ്പള്ളിയെ മലര്‍ത്തിയടിച്ച് ചവിട്ടിക്കൂട്ടി, മൂള്ളൂക്കാരന്റെ താടിയില്‍ ആകൃഷ്ടനായി ബ്ലോഗ്സ്പോട്ടില്‍ നിന്നും സ്വതന്ത്രമായി ഡോമൈന്‍ നാമം സ്വീകരിച്ച് യാത്രകള്‍.കോം ഉണ്ടാക്കി ബ്ലോഗില്‍ നിന്നും രക്ഷപ്പെട്ടവന്‍ നീരു.. കൊടുംചതികളുടെ കഥകള്‍ പിന്നെ വേറെ എന്തൊക്കെപ്പറയുന്നുണ്ട് ബ്ലോഗര്‍മ്മാര്‍ നിങ്ങളുടെ ബൂലോകത്തില്‍...............നിങ്ങള്‍ കേട്ടതൊക്കെ ശരിയാണ്, തെറ്റുമാണ്.
പിന്നെ കുട്ടിമിയയോട് നോക്കിപറഞ്ഞു......കുട്ടികള്‍ക്ക് ആ ടിവി തുറന്ന് ആ ഫാഷന്‍ ടിവി കാണിച്ച് കൊടുക്കൂ....എന്നിട്ട്......പോങ്ങുവിന് രണ്ട് ഗ്ലാസ് ഒ.സി.ആറും......നട്ട്സിന് രണ്ട് കപ്പ് കടുക്കവെള്ളവും കൊടുക്കൂ....കുട്ടികള്‍ വിശ്രമിക്കട്ടെ....എന്നിട്ട് മടങ്ങി പോവട്ടെ.....പിന്നെ ഞാന്‍ ഇപ്പോള്‍ നിങ്ങളോട് മത്സരിച്ച് പോസ്റ്റിടാനില്ല എന്ന് പൊങ്ങുവിനോടും നട്സിനോടുമായി പറഞ്ഞു.
ഇന്റര്‍നെറ്റിന് പൈസകൊടുക്കാതെ കട്ട് ചെയ്തിട്ടാണ് പോസ്റ്റിട്ട് ഇടാന്‍ വൈമുഖ്യമെങ്കില്‍ ഇതാ... ഇതാ എന്റെ കട്ട് ചെയ്യാത്ത ഡിവൈസ്...ഛേയ്...സോറി....ഇതാ എന്റെ വയര്‍ലെസ് ഡിവൈസ്. എന്നിട്ട് നട്ട്സ് പറഞ്ഞു......“കുതറ ഗോവയാത്രയല്ല ചേകവര്‍ക്ക് നല്ല പോസ്റ്റ്.....ചേകവര്‍ക്ക് പറഞ്ഞത് മാനസസരോവരാണ്.... അല്ലെങ്കില്‍ ഹിമാലയം... അതാണ് മുത്തച്ഛന്‍ ഹിമാലയനുണ്ണിചേകവര്‍ അനുഗ്രഹിച്ച് തന്ന പോസ്റ്റുകള്‍......അതോ എണ്ണപാടത്തിരുന്നു മാത്രമേ പോസ്റ്റിടാന്‍ പറ്റുകയുള്ളു എന്നുണ്ടോ നീരു ചേകവര്‍ക്ക്.
ചോദ്യങ്ങള്‍ക്ക് ഉത്തരമൊന്നും പറയാതെ നീരു ചേകവര്‍....റൂമിനകത്തേ ബാത്ത് റൂമിലേക്ക് കയറി എന്നിട്ട് കണ്ണാടിയില്‍ നോക്കി സ്വയം പറഞ്ഞു. “എന്നെ പരിക്ഷിച്ച് കൊതിമാറിയില്ലേ എന്റെ ബ്ലോഗനാര്‍ക്കാവിലമ്മേ.....
മുഖം കഴുകി പുറത്ത് വന്നപ്പോള്‍ കുട്ടിമിയ സങ്കടത്തോടെ പറഞ്ഞു....”കുട്ടികള്‍ക്ക് അതൊന്നും കാണണ്ടത്രേ...അതിനെക്കാള്‍ കിടിലന്‍ പരേഡും, വെള്ളവും അവര്‍ കണ്ടതാണത്രേ....അവര്‍ക്ക് അങ്ങയുടെ ബ്ലോഗില്‍ കറുപ്പടിക്കണമത്രേ.......”
പോവില്ല... അവര്‍ പോവില്ല... രണ്ടിലോന്ന് തീരുമാനമാവാതെ അവര്‍ പോവില്ല, അതാണ് ആ ചോരത്തിളപ്പിന്റെ പാരമ്പര്യം... ഒരു വിക്കിപീഡിയയും, നാലഞ്ച് ഗൂഗിള്‍ ഫോട്ടോയും കൊണ്ട്, 12 ലക്കം ഹിമാലയന്‍ യാത്ര എഴുതിയ ആ ഹിമാലയനുണ്ണിചേകവരാണ് അവരുടെ മനസ്സില്‍.. പോവില്ല.
പിന്നെ കുട്ടിമിയയെ നോക്കി....”നീയും എന്നെ വെറുക്കുന്നുവല്ലേ കുട്ടിമിയ....” അത് കേട്ട് സങ്കടത്തോടെ കുട്ടിമിയ വന്ന് നീരുവിന്റെ കാല്‍ തൊഴാന്‍ വരുന്നു..... അത് തടഞ്ഞുകൊണ്ട് നീരൂ..... “വേണ്ട.... നിനക്കെന്നും ഒരു കമന്റ്, അല്ലെങ്കില്‍ ഒരു സ്മയിലി.....അതു പോലും ഞാന്‍ ഇട്ടില്ലല്ലോ നിന്റെ ബ്ലോഗില്‍.
അങ്ങ് എന്നും റീഡറില്‍ ഇട്ട് എന്റെ ബ്ലോഗ് വായിക്കാറുണ്ടായിരുന്നല്ലോ..എനിക്കത് മതി.. കുട്ടിമിയ പറഞ്ഞു....
ഗൂഗ്ഗിള്‍ റീഡര്‍.....പതിനെട്ട് കൊല്ലം എനിക്ക് കമന്റിട്ടതിന് നിനക്ക് ഞാന്‍ എന്തു തന്നു....ഒരു നല്ല കമന്റു പോലും ഇട്ടില്ല...ഒരു സ്മൈലി പോലും ഇടാത്തതിന് ബ്ലോഗനാര്‍ക്കാവിലമ്മ എന്നോട് പോറുക്കട്ടെ. നിനക്കും എന്നെ അറിയില്ല.... ആര്‍ക്കും എന്നെ അറിയില്ല. അത് നിന്റെ തെറ്റല്ല... എന്റെ ഡാഷ് ബോര്‍ഡിന്റെ കീ ഞാന്‍ ആര്‍ക്കും കൊടുത്തില്ല. ആരെങ്കിലും എന്റെ ബ്ലോഗിന്റെ ഡാഷ് ബോര്‍ഡ് തുറക്കണം.
“കമ്പ്യൂട്ടറും ജീമെയിലും, ഇല്ലാത്ത എന്നെ..അഞ്ചാം വയസ്സ് തൊട്ട് മൌസും കീമാനും തന്നു വളര്‍ത്തി ബ്ലോഗറാക്കിയ ഹിമാലയനമ്മാവനും അനുഗ്രഹിച്ച് വിട്ടിരിക്കുന്നു എന്റെ ബ്ലോഗ് കറുപ്പിക്കാന്‍... എല്ലാം മറന്നിരിക്കുമ്പോള്‍....മെമ്മറി നശിച്ച് പോയ കമ്പ്യൂട്ടറില്‍ ഞാന്‍ പോസ്റ്റി വൈറസ് കേറി നശിച്ച പോസ്റ്റുകള്‍ എടുത്ത് പുറത്തിടാന്‍............. നാശം...... ആ കൂതറ ബ്ലോഗര്‍മ്മാര്‍ എന്തിന് വന്നു... അനുഗ്രഹിച്ചത് എന്റെ ഗുരു..... പിന്നെ........ പിന്നെ........ എന്റെ........
.സീന്‍ 3 ….ടേക്ക് 1
ഇതോ യാത്രപോസ്റ്റ് മത്സരം.. ചെറുബാല്യം വിടാത്ത കുട്ടികളോട് പോസ്റ്റാന്‍ കൂടെ നിന്നോതോ ..പോസ്റ്റ് മത്സരം... ഇതോ എന്നെ തോല്‍പ്പിക്കാനും എന്റെ ബ്ലോഗ് കറുപ്പടിപ്പിക്കാനും കൊണ്ടുവന്ന യാത്രവിവരണം പോസ്റ്റ്!!!!!!.... എടാ പോങ്ങൂ.... പാലയില്‍ നിന്നും തിരുവനന്തപുരത്തേക്ക് ബൈക്കില്‍ ഷട്ടിലടിക്കുന്ന നീയോ എന്നോട് യാത്രാവിവരണത്തില്‍ മത്സരിക്കാന്‍ വന്നത്. എന്റെ പോസ്റ്റിലുള്ള ചിത്രത്തില്‍ കാണുന്ന വാട്ടര്‍മാര്‍ക്ക് കണ്ടെങ്കിലും അത് മൊത്തം ഗൂഗ്ഗിലില്‍ നിന്നും കോപ്പിയടിച്ചതാണെന്നറിയാനുള്ള ബ്ലോഗ് പരിചയം ആയില്ലേ നട്ടപ്പിരാന്താ......മക്കളേ നിങ്ങള്‍ക്ക്. ശേഷം എന്തുണ്ട് കയ്യില്‍....അതായത് ബ്ലോഗിന്റെ തുടക്കത്തില്‍ ഡാഷ് ബോര്‍ഡ് തുറക്കുമ്പോള്‍, വിക്കിപീഡിയ ആണെന്ന് തോന്നിപ്പിച്ച് ഗുഗില്‍ ലൈവ് സ്ട്രീറ്റ് വ്യൂവായി ആയി മാറുന്ന ആ പഴയ ഹിമാലയന്‍ അടവോ... അതോ.... മറ്റുള്ള ഓണ്‍ലൈന്‍ പത്രങ്ങളില്‍ നിന്നും, ആരും വായിക്കാത്ത ഇംഗ്ലീഷ് ബ്ലോഗില്‍ അടിച്ചെടുത്ത് പ്രസിദ്ധികരിക്കുന്ന മൂന്നാതരം നട്ടപ്പിരാന്തന്മാരുടെ പുതിയ ചന്തി അടവോ??
“ഐപ്പാഡേടുക്കിന്‍...........നമ്മുക്ക് പോസ്റ്റി മത്സരിക്കാം”........ പോങ്ങു.....അലറി വിളിച്ചൂ...
നീരുവിനെ തോല്‍പ്പിക്കാന്‍ നിങ്ങള്‍ക്കാവില്ല മക്കളെ..... ജീവിതത്തില്‍ നീരുവിനെ തോല്‍പ്പിച്ചിട്ടുണ്ട്... പലരും, പലവട്ടം.
ആദ്യം ജോലി കിട്ടിയ ഓഫീസില്‍, ഡ്യൂട്ടിസമയത്ത് ബ്ലോഗ് എഴുതാന്‍ പറ്റില്ലെന്ന് പറഞ്ഞു ഒരു മല്ലു മാനേജര്‍ എന്നെ തോല്‍പ്പിച്ചു. ഫോളോവരെ പങ്ക് വയ്ക്കുമ്പോള്‍ കൈവിറച്ച ഗുരുനാഥന്‍ ബെര്‍ളി എന്നെ തോല്‍പ്പിച്ചു. പോസ്റ്റിനും കമന്റിനുമൊപ്പം, പോസ്റ്റിന്റെ നീളം അളന്ന് നോക്കിയപ്പോള്‍, ആ സമയത്ത് എനിക്കെന്തുകൊണ്ടോരു ലൌലെറ്റര്‍ എഴുതിയില്ലെന്ന് പറഞ്ഞു മോഹിച്ച പെണ്ണും എന്നെ തോല്‍പ്പിച്ചു.. അവസാനം...... അവസാനം.... യൂറോപ്പില്‍ കൊണ്ടുപോയാല്‍ പൈസതരാമെന്ന് പറഞ്ഞിട്ടും സത്യം വിശ്വസികാതെ ചങ്ങാതി കുറുമാനും എന്നെ തോല്‍പ്പിച്ചൂ.. തോല്‍വികള്‍ ഏറ്റുവാങ്ങാന്‍ നീരുവിന്റെ ജീവിതം പിന്നെയും ബാക്കി....... മടങ്ങിപ്പോ....“
വിശാലന്‍ചേകവരുടെ മകനും മരുമകനും......വെറുതെ നാണം കെട്ട് മടങ്ങാന്‍ വന്നവല്ല.
യാത്രയുടെ വൈവിധ്യം കൊണ്ടും.....എഴുത്തിന്റെ ചന്തം കൊണ്ടും....ബൂലോകയാത്രവിവരണത്തില്‍ ചതിയന്‍ നീരുവിനെ തോല്‍പ്പിക്കാന്‍ ആണായിപ്പിറന്ന ബ്ലോഗര്‍മ്മാര്‍ ആരുമില്ല ആരുമില്ല, മടങ്ങിപ്പോ...... നീരൂ ദു:ഖവും സങ്കടവും മനസ്സിലോതുക്കി അലറി
ഞങ്ങളുടെ ബ്ലോഗ് ഡീലീറ്റ് ചെയ്യുന്നെങ്കില്‍ ചെയ്യ്.......നേരിട്ട് പോസ്റ്റ് ചെയ്ത് മാനത്തോടെ തോല്‍ക്കാന്‍ തന്നെയാണ് മാണിക്ക്യക്കല്ലിന്റെ മകന്‍ വന്നത്. ഐപ്പോഡേടുക്കിന്‍........
ഒരു നിമിഷം നീരൂ...എന്തോ ആലോചിക്കുന്നു......പിന്നെ ചെറുതായി മന്ദഹസിക്കുന്നു... അതിനു ശേഷം താന്‍ ബ്ലോഗ് ചെയ്യാന്‍ വേണ്ടി മാത്രം പുതുതായി വാങ്ങിയ ഐപ്പാഡ് എടുക്കുന്നു. എന്നിട്ട് വിണ്ടും ആ ബ്ലോഗ് മന്ത്രം വീണ്ടും ചൊല്ലുന്നു.
സര്‍വ്വതന്ത്രഗൂഗുളാ‍യ... സര്‍വ്വതന്ത്രബ്ലോഗായ സര്‍വ്വകാല ദേശാടനായ ശുഭായ ഇന്റര്‍നെറ്റായ നമ:
പിന്നെ പെട്ടെന്ന്........... മനസ്സില്‍ എന്തോ കരുതി ആ വിലപ്പിടിച്ച ഐപ്പാഡ് നിലത്തേക്ക് ശക്തിയില്‍ വലിച്ചെറിഞ്ഞു.... താഴെ വീണു പൊട്ടിച്ചിതറിയ ആ ഐപ്പോഡിനൊപ്പം ചതിയന്‍ നീരുവും താഴെക്ക് വീണു ഉള്ള തുണിയും കോണകവും ഊരിക്കളഞ്ഞു സുരാജ് വെഞ്ഞാറമൂഡ് സ്റ്റൈയില്‍ കരയാന്‍ തുടങ്ങി.
അത് കണ്ട് സങ്കടപ്പെട്ട പൊങ്ങുവും, നട്ട്സും പൊട്ടിചിതറിയ ഐപ്പാഡിന്റെ കഷ്ണങ്ങള്‍ പെറുക്കികൂട്ടാന്‍ തുടങ്ങി..
നിങ്ങള്‍ തോല്‍ക്കരുത് മക്കളെ....നിങ്ങള്‍ തോല്‍ക്കരുത്. ചതിയന്‍ നീരുവിന്റെ ബ്ലോഗ് ഇവിടെ തീരട്ടെ. ബൂലോകത്തില്‍ യാത്രാവിവരണബ്ലോഗിനെ കളങ്കം മാറ്റിയവനെന്ന ബഹറൈന്‍ ബൂലോകത്തിന്‍െ വീരന്‍ നട്ടപ്പിരാന്തന്റെ ചരിതം ഇവിടെ തുടങ്ങട്ടെ....എന്റെ യാത്രാബ്ലോഗില്‍ കറുപ്പടിച്ചതിന്റെ സ്ക്രീന്‍ഷോട്ട് എടുത്ത് അമ്മയുടെ മെയിലില്‍ അയച്ചുകൊടുക്കണം.... തൊടുപുഴ മീറ്റില്‍ പോയി പട്ടും വളയും വാങ്ങണം.... നിന്റെ ചന്തി കഥകള്‍ മാലോകര്‍ മുഴുവന്‍ കാണട്ടെ.... എന്റെ നട്സേ.....എനിക്ക് കിട്ടാതെ പോയ ചന്തിയാണല്ലോ നീ കുഞ്ഞാനമ്മയുടെ ലാസറിനു കൊടുത്തത്.....എല്ലാവരും നിന്റെ ബ്ലോഗ് വായിച്ച് നാറട്ടെ.. നാറട്ടെ.
ആ സമയത്ത് പോങ്ങൂ......എനിക്ക് ബൂലോകത്തില്‍ യാത്രവിവരണം എഴുതിവിജയിക്കാന്‍ എന്താണ് മാര്‍ഗ്ഗം നീരുവമ്മാവാ......
മോനെ..പോങ്ങൂ.... എല്ലാ പുലികളും പുലിച്ചികളും..... വളര്‍ന്ന് വരുന്ന പുലികളും പുലിച്ചികളും എല്ലാം തേരാ പാരാ നടന്ന് യാത്രവിവരണം എഴുതി ബൂലോകം നിറയ്ക്കുകയാണ്.... ഇനി ഈ ബൂലോകത്തില്‍ എഴുതിനിറയ്ക്കാന്‍ ഒരു സ്ഥലവും ഇല്ല.... അതല്ലേ പുതിയ യാത്രവിവരണത്തിനായി ഞാന്‍ കുടുംബസമേധം.. കുഴിയാനയെ പോലും പേടിയില്ലാതെ കാട്ടില്‍ പോവുന്നത്.
അപ്പോള്‍ ഒരു രക്ഷയും ഇല്ലെ ഇനി.............. നീരു അമ്മാവാ?...
മോനെ....പൊങ്ങൂ................ഒരു സ്ഥലമുണ്ട്......അവിടെ മാത്രമേ ബൂലോകര്‍ എത്തിപെടാത്തതുള്ളു....
അതേതാ സ്ഥലം.....................??????
അനക്കോണ്ട പിടിച്ചാലും വേണ്ടില്ല മോനെ പൊങ്ങൂ......ആമസോണ്‍ കാട്ടിലേക്ക് വിട്ടോ..... അതേയിനി ബാക്കിയുള്ളു ബൂലോകത്തില്‍ യാത്രവിവരണം എഴുതാന്‍....
44 comments:
ഒരു ബ്ലോഗന്‍ വീരഗാഥ
ശരിക്കും ഒരു വീര ഗാഥ തന്നെ.
ഒപ്പം ഒരു തഴുകി തലോടലും
നട്ടച്ചായോ..
ഇതെന്തൊരലക്കാണിച്ഛായോ..!!
തേങ്ങ ഇപ്പൊ പൊട്ടിക്കും എന്ന് ബസിൽ പറഞ്ഞപ്പോ ഇത്രെയും വിചാരിച്ചില്ല. :)
കലക്കി അച്ചായാ,
ഒരു വടക്കന്‍ ബൂലാഗ വീരഗാഥ
നട്ടപ്പിരാന്താ
കൊള്ളാം....നീരുവിനു കൊന്നു കൊലവിളിച്ചു അല്ലേ............!
oru vedakkan veera gatha,..
kalakki.. sambhashanangal super..
M T Kananda..
ചന്തിപ്പഴുത്...സോറി പന്തിപ്പഴുത് കണ്ടപ്പോളൊക്കെ കമന്റിടാതെ കീബോര്‍ഡ് കൊണ്ട് തടുത്ത് ഒഴിഞ്ഞ് മാറിയതാണെന്ന്‍ മനസ്സിലാക്കാനുള്ള ബൂലോക പഠിപ്പെങ്കിലും തികഞ്ഞില്ലേ നട്ട്‌സ്‌കളേ നിങ്ങള്‍ക്ക് :)
മടങ്ങിപ്പോ :) :)
ഓ:ടോ:- എന്നങ്ങ് കൊല്ല് :)
മനോഹരമായി! ഹാറ്റ്സ് ഓഫ് നട്സ് !
കിട്ടാനുള്ളത് നേരെ വാങ്ങിച്ചോളൂ!
@നീരു ഇനി കുറച്ചു ദിവസം ബസ്സില്‍ കാണില്ലല്ലോ .. ഒരുത്തനെ ഒതുക്കാനുള്ള കൊട്ടശന്‍ തുടങ്ങി കാണുമല്ലോ ?
ഇനി എന്ന ബഹറിനില്‍ വരുന്നത് എന്ന് അറിയിച്ചാല്‍ മുന്‍‌കൂര്‍ ജാമ്യം ഞാന്‍ ഏര്‍പ്പാട് ചെയ്യാം :)
ഹഹ ഹ ഇതു കലക്കി ...സജിയച്ചായൻ കണ്ടില്ലേ ഇതൊന്നും ...ഹഹഹ പതിനെട്ടു കളരിക്കും ആശാനായ സജിയച്ചായനും പേടിയോ...? ആണായ് പിറന്നവനാണെങ്കിൽ കമന്റിട് ....ഹഹ.
ഹ..ഹ.. ഹ.. അതു ഒരു ഒന്നൊന്നര ബ്ലോഗന്‍ വീരഗാഥയായി പോയി.... നീരു ഇനി ഏതു നദിയില്‍ പോയി മുങ്ങിയാല്‍ ഈ ചെളിയെല്ലാം ദേഹത്ത് നിന്ന് പോയി കിട്ടും?
ബ്ലോഗ് പരമ്പരയാണേ
ബ്ലോഗില്‍ ഭഗവതി പൊന്നമ്മയാണേ'
ബ്ലോഗില്‍കരിനാഗദൈവങ്ങളാണേ
ബോള്‍ഡ് അക്ഷരത്തില്‍ നല്ല ചുവന്ന 24 ഫോണ്ട് സൈസില്‍ കമന്റിടുന്നു
നട്ട്സ് ചേകവരെ ഉഗ്രന്‍ അങ്കം
പതിനായിരത്തോന്നു കമന്റു വച്ച പൊന്‍കിഴി ഇതാ...
ബഹറിന്‍ ബൂലോകത്തിലെ നട്ട്‌സ്ചേകവരെ
ഈന്തമ്പനയുടെകൂമ്പ് വാട്ടിപിഴിഞ്ഞനീരില്‍
ആടുജീവിതം കൂട്ടിചേര്‍ത്ത് അതില്‍ കീബോര്‍ഡ് കുത്തി
ബഹറിന്‍ ബൂലോകത്തില്‍ നിന്ന് ഉദിച്ചോരെല്ലാം
അവാര്‍ഡ് ജയിച്ചവരായിരുന്നു....
ഈശ്വരാ ഇനി പാണന്മാര്‍ക്ക് പാടി നടക്കാന്‍ ഇതും !!
ഹ..ഹ..ഹ
കൊല്ല്, കൊല്ല്!!
:)
സര്‍വ്വതന്ത്രഗൂഗുളാ‍യ സര്‍വ്വതന്ത്രബ്ലോഗായ സര്‍വ്വകാല ദേശാടനായ ശുഭായ ഇന്റര്‍നെറ്റായ നമ:
എന്റെ ബ്ലോഗനാര്‍ക്കാവിലമ്മേ... ജട്ടി തരൂ... ഛേ... ശക്തി തരൂ...
ഈ അലക്കന്‍ വീരഗാഥ തകര്‍പ്പന്‍ !
റബ്ബേ.. വായിച്ച് വട്ടായി
വീരഗാഥ യല്ലാ കൂതറഗാഥ
(എന്തോരം സ്ഥലത്താ കൂതറ എന്നെഴുതിയേക്കുന്നെ)
ഇഷ്ട്ടായി ഇത്തിരി
ഹിമലയച്ചായന്റെ കമന്റ് കണ്ടില്ല.. അതോ അച്ചായൻ മുങ്ങിയോ.. ഹോ നട്ടച്ചേകവരേ ദിവസം മൂന്നായി ഇതിനു കാത്തിരിക്കുന്നേ.. അടിപൊളീ
ബൂലോഗത്തില്‍ ഞാന്‍ യാത്ര കുറവാണെങ്കിലും ഇമ്മാതിരി കിടിലന്‍ ഗാഥ കേള്‍ക്കുമ്പോള്‍ എങ്ങനെ പോസ്റ്റാതിരിക്കും? ഏതായാലും വടക്കന്‍ ബ്ലോഗ് ഗാഥ കലക്കി.
എന്റമ്മോ...
(ക) അലക്കി...നട്ടുസേ...
ഹഹ കഥ കലക്കി പൊളിച്ചല്ലോ .... ചിരിച്ചു ചത്തു ഞാന്‍
ചിരിപ്പിക്കാന്‍ കച്ച കെട്ടി ഇറങ്ങിയിരിക്കുകയാ ഓരോരുത്തര്..
തകർപ്പൻ എഴുത്ത്!
നീരുവിനെയും അച്ചായനെയും അലക്കി വെളുപ്പിച്ചു!
പക്ഷേ ഒരു ബ്ലോഗൻ വീരഗാഥയിലെ നായകനും കാണികളുടെ കണ്ണിലുണ്ണൂണ്ണിയും ആകുന്നത് നീരു തന്നെ!
എല്ലാം എനിക്കിപ്പ മനസ്സിലായി...
പച്ചമലയാളത്തിൽ പറഞ്ഞാൽ “ദീസ് ആർ ഓൾ സൈൻസ് ഓഫ് മിയർ അഷൂഷ!”
ഇംഗ്ലീഷിൽ ഇതിന് അസൂയ എന്നു പറയും!
അയാം എ നീരു ഫാൻ!
പ്രിയ ടോം..എന്നും വന്നുള്ള ഈ കണികമന്റിനു നന്ദി.... ഇനി ഞാന്‍ പറയും എല്ലാവരോടും ടോമിനു പടിക്കാന്‍.
ഹരീഷേ....അലക്ക് കാണാന് പോവുന്നതേയുള്ളു നീരുവിന്റെയും ഹിമാലയന്റെയും കയ്യില്‍ എന്നെ കിട്ടുമ്പോള്‍
പ്രവീണേ...പേട്ട് തേങ്ങയായില്ലല്ലോ,സന്തോഷം
റഹ്മാനെ...നിങ്ങള്‍ക്ക് വായിച്ച് സന്തോഷമായി എന്നറിയുമ്പോഴല്ലേ എനിക്ക് സന്തോഷം
സുനിലേ.. ഇപ്പോള്‍ മനസ്സിലായില്ലേ ഓരോ പുലികള്‍ യാത്രവിവരണം എഴുതുന്നത് എങ്ങിനെയാണെന്ന്
കിഷോറെ നന്ദി.ഈ വരവിന്.
നീരു..ഇയാളാണാണോ... ബ്ലോഗില്‍ യാത്രാവിവരണം എഴുതുന്നയാള്‍. എന്നാല്‍ വിട്ട് പിടി.
മിനേഷേ...ഒരു മദ്ധ്യസ്ഥനായെങ്കിലും കൂടെ നില്‍ക്കണം കേട്ടോ... അടിയും വാങ്ങിക്കോ.
അതേ ബിജു...ഒരു ചേകവരെയും കാണാനില്ല. സഞ്ചാരം സിഡിയ്ക്ക് ഇപ്പോള്‍ നല്ല ചിലവാണത്രേ.
അജിത്തേ.. കമന്റിന് സന്തോഷം.. ആ അബ്ഹയില്‍ പോയി നാല് സഞ്ചാരസാഹിത്യമങ്ങ് കാച്ച്.. ഇപ്പോള്‍ ഇതിന്റെയെല്ലാം ടെക്നിക്ക് മനസ്സിലായില്ലേ.
ഈ ഉണ്ണിയാര്‍ച്ചയ്ക്ക് മാത്രമേ ഇവിടെ സ്ഥിരമായി വരാന്‍ ധൈര്യമുള്ളു...എനിക്ക് തൃപ്തിയായി....തൃപ്തിയായി..
അരുണ്‍, സലാഹ്, അനി... നന്ദി മക്കളെ
ഇതുമാത്രമല്ല ചതിയന്‍ നിരുവിന്റെ ചരിത്രം.
ഭാര്യയ്ക്കാണെന്നു പറഞ്ഞ് കാമുകിക്കു കൊടുക്കാന്‍ എന്റെ കയ്യില്‍ നിന്നു വരച്ചെടുത്ത നിരുവിന്റെ പോര്‍ട്രെയിറ്റ് എവിടെ-ആരുടെ കയ്യിലിപ്പോള്‍ എന്നുള്ളതിന്റെ സത്യാവസ്ഥ, പോര്‍ട്രെയ്റ്റിനു പണം തരാമെന്നു പറഞ്ഞ് എന്നെ പറ്റിച്ചത് ! ഇനിയും എന്തൊരൊക്കെയോ പാടിനടക്കുന്നുണ്ട് എറണാകുളത്തെ പാണന്മാര്..അതുകൂടി ചേര്‍ത്തുവെക്കാതെ ഈ ‘ചതിയ നീരു ചരിത്രം‘ പൂര്‍ത്തിയാവില്ല..
കിടു...കിക്കിടു.. :)
അരിങ്ങോടരുടെ കളരിയില്‍ ഒരു ദിവസം:
കാട്ടില്‍ രണ്ടിനു പോയവനും മേട്ടില്‍ പുല്ലരിയാന്‍ പോയവനും തമ്മില്‍ തര്‍ക്കം - ആര് പോസ്റ്റിട്ടാലായിരിക്കും കൂടുതല്‍ കമെന്റെന്ന്.
തര്‍ക്കം മൂത്തപ്പോള്‍ നാടുവാഴി പറഞ്ഞു - പരമ്പര എഴുതുന്ന ട്രാവലോഗുകാരെ കൊണ്ടു വരൂ, അവര്‍ പോസ്റ്റിമരിക്കട്ടെ.
രണ്ടിനു പോയവനും പുല്ലരിയാന്‍ പോയനും തമ്മില്‍ തര്‍ക്കം വന്നാലും പോസ്റ്റു എഴുതേണ്ടത് യാത്രാവിവരണക്കാര്‍ തന്നെ! എന്തു ചെയ്യാം, ബ്ലൊഗ്ഗര്‍ ആയിപ്പോയില്ലേ!
==================================
പിറ്റേന്നു പുത്തൂരം വീട്ടിലെ കളരിയില്‍:
അവസാനത്തെ പസ്വേഡും ഓതിത്തന്നു അങ്കത്തട്ടിലേയ്ക്കയക്കുമ്പോള്‍, ചിലയാത്രകളുടെ ഡാഷ്ബോര്‍ഡില്‍ക്കേറി മുച്ചൂടും മുടിച്ച്, അതിന്റെ എല്ലാം എച്ച്ടിഎമ്മെല്‍ ഫയല്‍ ഫ്ലാഷിലാക്കി കണ്ടുവരുമെന്നു കരുതി.
നിലവറയിലിരുന്ന മുറിഫ്ലാഷ് തന്നു വിട്ടത് അതിനായിരുന്നല്ലോ മക്കളേ!
അല്ലാതെ ഇളംതലമുറ പോസ്റ്റിക്കിട്ടുന്ന കമെന്റ്വേണ്ട ഇനി ഈ തറവാടിനു കഴിയാന്‍.
എന്തായാലും പോയിവരൂ...മക്കളേ
==================================
(പിടെ ആഴ്ച കറുത്തേനാര്‍ നാട്ടില്‍ കന്നാസും കടലാസും പോലെ രണ്ടു പേര് പാട്ട പെറുക്കി നടക്കുന്നതു കണ്ടെന്നു ചില പാണന്മാര് പുത്തൂരം വീട്ടില്‍ അറിയിച്ചു. ഒരാള്‍ തടിയനും മറ്റേയാള്‍ ഒരു മൊട്ടത്തലയനും ആണത്രേ!)
ഹിമാലയച്ചേകവന്‍ മൌനം ഭഞ്ജിച്ചപ്പോള്‍ വീണുരുണ്ടത് ഒരു മൊട്ടത്തലയും കഴുത്തില്ലാത്ത തടിച്ച ഒരു ഓസീര്‍ കുപ്പിയും :):):)
നട്ടപിരാന്തന്‍ കാര്യമായി എന്നെ വിളിച്ചു വരുത്തിയ സദ്യയില്‍ ,.തിരക്കില്‍ ഞാന്‍ ഓടി വന്നു മറ്റുള്ളവരുടെ കൂടെ ഒന്ന് ഇരിക്കാനും സമ്മതിച്ചില്ലല്ലോ ?കാരണം ,സദ്യ വിളമ്പി തരാന്‍ ആരുമില്ലാതെ ,ഇല മടക്കി വച്ചു പോകേണ്ടിയും വന്നുവല്ലോ ??ഇവിടെ കൂടെ ഇരിക്കാന്‍ ഒരു പെണ് തരി പോലും കൂടെ ഇല്ലല്ലോ ?അതും വിഷമം ഉണ്ടാക്കിയ കാര്യം തന്നെ .. ഒരു കാര്യംവളരെ സന്തോഷം ഉണ്ട് ...ഈ 'കുട്ടി മിയ ' യെ കണ്ടെത്തിയതില്‍ . ഇത്രയും നല്ല പേര് എവിടെ നിന്നും ഒപ്പിച്ചു ?മൊട്ടത്തലയില്‍ കാര്യമായ വല്ലതും ഉണ്ടെന്നും മനസിലായി ..ആ പേരിനും നല്ല ഒരു അര്‍ത്ഥവും ഉണ്ട് അത് അറിഞ്ഞു ഇട്ട പേര് ആണോ ?അതും അറിയില്ല .നീരുവിനും ,ഹിമാലയച്ചനും ,കൂടെ 'ഒരു കുട്ടിമിയയും '..എന്തായാലും ഈ 'കുട്ടി മിയയോടു തൂലികാ നാമം ആയി എടുക്കുവാനും പറയണം .ഞാന്‍ ബ്ലോഗ് വായിച്ചു സ്മൈലി ഇട്ടു പോകുന്ന ആള്‍ അല്ല എന്നും ഉറപ്പു ആയാല്ലോ ?ഇനിയും കാണാം ...
നീരു ചേകവരെ..... അല്ലെങ്കിലു നിങ്ങള്‍ യാത്രചേകവരെല്ലാം സമയം വരുമ്പോള്‍ ഒന്നാണെന്ന് ഈ ബൂലോകത്ത് പരസ്യമായ രഹസ്യമാണ്.പക്ഷെ ഒന്നോര്‍ത്തോ.. ഈ ബ്ലോഗന്‍ വീരഗാഥയ്ക്ക് പുറകില്‍ നടന്ന ഹീനമായ വിശാസവഞ്ചനയുടെ ഹിമാലയന്‍ ചേകവരെ മാത്രമല്ല.. പുതിയ ഒരു കഥാപാത്രവും കൂടി രംഗത്ത് വരും.. “ആദ്യാക്ഷരകളരിയിലെ അപ്പുചേകവര്‍” അവരെ പൂട്ടിക്കാന്‍ നട്ട്സിനും, പൊങ്ങ്സിനും മറുക്വട്ടേഷന്‍ തരും. ആ കഥ ഞാന്‍ പറയുന്നില്ല കാരണം അപ്പുചേകവരും, ഹിമാലന്‍ ചേകവരും നടത്തിയ ആ ഗൂഡതന്ത്രം അറിഞ്ഞാല്‍ നീരു ചേകവര്‍ തന്നെ സ്വന്തമായി ബ്ലോഗ് കറുപ്പടിച്ച് പൂട്ടിപോവും.
ഹിമാലന്‍ചേകവരെ... നിങ്ങള്‍ കുടുംബക്കാര്‍ മുഴുവന്‍ ഇതുപോലെ പാവങ്ങളെ കുരുതിക്ക് കൊടുത്ത് തെണ്ടാണ്‍ വിടലാണോ പണി... അധികം ഞങ്ങളെ വേദനിപ്പിച്ചാ‍ല്‍ ഞാന്‍ ആ നഗ്നസത്യം തുറന്നു പറയും.
കുട്ടിമിയ....സമാധാനമായി....കളേഴ്സ് എല്ലാം വന്ന് തുടങ്ങിയല്ലോ ഇവിടെ. കുട്ടിമിയ എന്ന പേര് പെട്ടെന്ന് മനസ്സിലായതിനാലും, കഥാപാത്രത്തെ ഇഷ്ടപ്പെട്ടതിനാലും സന്തോഷം. ഇനി ഞാന്‍ ടി.ജി. രവി, ബാലന്‍.കെ.നായര്‍ ഇമേജ് മാറ്റാന്‍ ശ്രമിക്കുന്നതായിരിക്കും.
നന്നായി. എന്തെങ്കിലുമൊക്കെ എഴുതുന്നു എന്നത് തന്നെ വല്യ കാര്യം.
സ്നേഹപൂര്‍വ്വം
ഇരിങ്ങല്‍
ഹ...ഹ...ഹ....കലക്കി !! ബസ്സില്‍ വെച്ച് പറഞ്ഞപ്പോ തൊട്ടു നോകിരികുവായിരുന്നു. ഇപ്പോഴാ ഫുള്‍ വായിക്കാന്‍ പറ്റിയെ.
ചാഞ്ഞും ചരിഞ്ഞും കടകം മറിഞ്ഞും വെട്ടിയും തടുത്തും കൊണ്ടും കൊടുത്തും ചേകവര്‍ അങ്കം കലക്കി. അങ്കത്തട്ടിളക്കിമറിച്ചു.
മണ്ടച്ചാരെ,മൊട്ടത്തലയാ കാത്തോളീ...
ആശാനെ കലക്കി
ഒരു സുഹൃത്ത് തന്ന ലിങ്ക് വഴിയാണു ഇത് വായിക്കാൻ ഇടയാക്കിയത്.കലക്കി കേട്ടോ
ഇന്നാ വായിക്കാനൊത്തത്.. ചിരിപ്പിച്ച് ഒരു വഴിയാക്കി. (നല്ലൊരു ഹോം വര്‍ക്ക് ചെയ്ത മട്ടുണ്ടല്ലോ.!!)
ഇതിന്റെ ബാക്കിയും പ്രതീക്ഷിക്കാം അല്ലേ..
ഒന്നു പറയാന്‍ വിട്ടു. "ടീജീ രവിയെക്കണ്ട പ്രമീള" എന്ന പ്രയോഗം അത്രക്ക് ശര്യായോന്നൊരു സംശയം. പകരം "ഉമ്മറിനെ കണ്ട ഷീലയെന്നോ" മറ്റോ അല്ലേ കൂടുതല്‍ യോജിക്കുക? :)
(ടീജി രവിയല്ല, ആരെക്കണ്ടാലും പ്രമീളയുടെ മുഖത്ത് ഒരൊറ്റ ഭാവമല്ലേ ഉള്ളൂ!! :)).
ഹാ ഹാ ഹാ ....ഇത് ഒരുമാതിരി മൊട്ടതലയിലെ നാട്ടപിരന്തു പോലെ ആയല്ലോ ........
ഹഹ ഹ ഇതു കലക്കി ..
ഒന്ന് കൂടി ഇത് വഴി വന്നതും ആണ് എനിക്ക് നല്ല ഒരു പേര് ഒക്കെ തന്നതും അല്ലേ?ആ നന്ദി ഇവിടെ കാണിക്കാം എന്ന് വച്ചു .അവിടെ ചെറിയ ഒരു പോസ്റ്റ് ഉണ്ട്. സമയം ഉള്ളപോള്‍ ആ ഓട്ടോയില്‍ കയറാന്‍ വരണം .''ഇനി ഞാന്‍ ടി.ജി. രവി, ബാലന്‍.കെ.നായര്‍ ഇമേജ് മാറ്റാന്‍ ശ്രമിക്കുന്നതായിരിക്കും'' അതൊക്കെ മാറ്റി വച്ചു മൊട്ട തലയും ആയി വന്നാല്‍ മതി ട്ടോ ..
സര്‍വ്വതന്ത്രഗൂഗുളാ‍യ സര്‍വ്വതന്ത്രബ്ലോഗായ സര്‍വ്വകാല ദേശാടനായ ശുഭായ ഇന്റര്‍നെറ്റായ നമ:
എന്റമ്മോ………
എന്തൊരു തല?
ജാതകം വായിച്ച് ചിരിച്ച്….ചിരിച്ച്…..
Nalloranubhavam aayirunnu ee post... Adhikam ee vazhi vararilla.. pakshe varumpol thedipidichu vaayikkarundu nattappiranthan post kal.. aadyamayi aanu comment cheyyunnathu... comment cheyyathe pokan thonnilla ee blog kandal.. kapata sadachaartha(vaaku sheriyano????) onnum aavasyam illa.. thurannezhuthunnathil thettum illa...
pinne pranthu maattiyal nattappiranthan nattappiranthan allathayi maarille... athukondu chikithsikkan pokenda keto....
Post a Comment