മാനസികമായും, ശാരീരികമായും, "ഐ.എം.എഫ് പരമായും" എന്തിന് ലൈംഗീകപരമായും പരമതൃപ്തനായ ഒരുവന്റെ നട്ടപ്പിരാന്തുകള്‍

Thursday, July 22, 2010

1- ഒരു ബ്ലാക്ക് & വൈറ്റ് അഭിമുഖം - (സജി മാര്‍ക്കോസ് )

നട്ടപ്പിരാന്തുകളില്‍ ഒരു പുതിയ പംക്തി തുടങ്ങുകയാണ്. ഒരു അഭിമുഖപംക്തി. പലരും, പല ബ്ലോഗ് കൂട്ടായ്മകളും പലവിധത്തില്‍ ബ്ലോഗില്‍ അഭിമുഖം നടത്തിയിട്ടുണ്ട്. അതെല്ലാം കേവലം ഉപരിപ്ലവമായ ചോദ്യങ്ങളും, അവയ്ക്കുള്ള ഉത്തരവും ആയിരുന്നുവെന്ന എന്റെ വിശ്വാസത്തിലാണ് (അല്ലെങ്കില്‍  അത്തരം ഒരു തെറ്റിദ്ധാരണയുടെ) ഞാന്‍ ഇത്തരം ഒരു അഭിമുഖവുമായി മുമ്പോട്ട് വന്നത്. 

ഒരു വ്യക്തിയെ , അയാളുടെ ഹൃദയത്തില്‍ നിന്നും അറിയുക എന്ന രീതിയില്‍ രാഷ്ടീയം, മതം, കുടുംബം, സാമൂഹികജീവിതം, ലൈംഗികത എന്നിങ്ങനെ ബ്ലോഗില്‍ ചര്‍ച്ച ചെയ്യപ്പെടാത്ത ഒരു പിടി ചോദ്യങ്ങളുമായി ഒരു “ബ്ലാക്ക്  ആന്റ് വൈറ്റ്” അഭിമുഖം. 

ഇപ്രാവിശ്യം ഞാന്‍ തിരഞ്ഞെടുത്തിരിക്കുന്നത്. ശ്രീ. സജി മാര്‍ക്കോസിനെയാണ്. എനിക്ക് സജിയോട് ചോദിക്കാന്‍ ബാക്കി വച്ച ചോദ്യങ്ങളാണ് ഞാനിവിടെ ചോദിച്ചിരിക്കുന്നത്. നിങ്ങള്‍ക്കും ചോദ്യമുണ്ടാവാം അത് കമന്റായി ചോദിക്കാം. അതിനും ചുണ്ടില്‍ നിന്നല്ലാത്ത ഉത്തരം ശ്രീ. സജി മാര്‍ക്കോസ് നല്‍കുമെന്ന് പ്രതീക്ഷിക്കുന്നു.

1-സജിമാഷിനെ എനിക്ക് നേരിട്ട് പരിചയമുള്ളതിനാല്‍ ചോദിക്കട്ടെ, ഞാന്‍ കണ്ട, അല്ലെങ്കില്‍ അറിഞ്ഞ പെന്തക്കോസ്റ്റ് വിശ്വാസികളില്‍ നിന്നും തീര്‍ത്തും വിഭിന്നനായ, അല്ലെങ്കില്‍ സാമൂഹിക ഇടപെടലുകള്‍, അതു വ്യക്തിപരമായും, സര്‍ഗാത്മകമായും ജീവിതത്തില്‍ പുലര്‍ത്തിക്കൊണ്ട് ജീവിക്കുന്ന ഒരു വ്യക്തിയാണ് താങ്കള്‍. ഈ വ്യത്യസ്ഥത പാലിക്കാന്‍ കഴിയുന്നത് മുമ്പ് മനസ്സില്‍ ഉണ്ടായിരുന്ന കമ്മ്യൂണിസ്റ്റ് ചിന്താഗതിയുടെ തുടര്‍ച്ചയായി കരുതാമോ.? 
ഇടതു പക്ഷ ചിന്താഗതിയുടെ സ്വാധീനം ചെറുതല്ല. ചെറുപ്പത്തില്‍ പരന്ന വായനയുണ്ടായിരുന്നു എന്നു പറയാം. ഒരു വര്‍ഷം കൊണ്ട് ഞങ്ങളുടെ ഗ്രാമത്തിലെ ഒരു ലൈബ്രറിയിലെ മുഴുവന്‍ പുസ്തകങ്ങളും വായിച്ചു തീര്‍ത്ത ചരിത്രമുണ്ട്. പിന്നീട് വായന പൂര്‍ണ്ണമായും നിന്നും പോയിരുന്നു. കാലങ്ങള്‍ക്കു ശേഷം ബ്ലോഗ്ഗിലൂടെ വായന ശീലം പുനര്‍ജ്ജനിക്കുകയായിരുന്നു. അങ്ങിനെ ഒരു ഗ്യാപ്പ് ഉള്ളതുകൊണ്ട് ആധുനിക രചന സങ്കേതങ്ങളേക്കുറിച്ചും എഴുത്തുകാരെക്കുറിച്ചും വലിയ പിടിയില്ല.


പെന്തക്കോസ്തു വിശ്വാസി എന്ന നിലയില്‍ ഒരു വലിയ അന്തഃസംഘര്‍ഷം നേരിടുന്നുണ്ട്.  രാഷ്ട്രീയ-സാമൂഹിക ഇടപെടലുകള്‍ക്ക് ആ വിശ്വാസത്തില്‍ വലിയ സ്കോപ്പ് ഇല്ല എന്നതാണ് കാരണം.
2-വിശ്വാസത്തിന്റെയും, സൌഹൃദത്തിന്റെയും പേരില്‍ കൂട്ടുകാരില്‍ നിന്നോ, അതു പോലെ പരിചയക്കാ‍രില്‍ നിന്നോ ചതിയോ, സാമ്പത്തികനഷ്ടം ഉണ്ടായിട്ടുണ്ടോ.... ഉണ്ടെങ്കില്‍ ഒരു ദൈവവിശ്വാസിയെന്ന നിലയില്‍ അതിനെ ഇപ്പോള്‍ എങ്ങിനെ കാ‍ണുന്നു? ഇപ്പോള്‍ അവരുമായിട്ടുള്ള ബന്ധം എങ്ങിനെയാണ്? ആ ബന്ധത്തിനുള്ള ന്യായികരണം എന്താണ്.
നിത്യവും പള്ളിയില്‍ പോകുന്നതോ മതപമായ ചടങ്ങുകളില്‍ പങ്കെടുക്കുന്നതോ ഭക്തന്റെ ലക്ഷണമായി നമ്മള്‍ കരുതിന്നു. എന്നാല്‍ നഷ്ടവരുമ്പോള്‍, അപമാനിതനാവുമ്പോള്‍ എങ്ങിനെ പ്രതികരിക്കുവന്നത് വളരെ പ്രധാനമാണ്. അതിനു യോശുവിനോളം നല്ല  മാതൃക ലോകത്തിലില്ല.


എന്റെ ആത്മീയ ജീവിതത്തിലെ ഏറ്റവും വലിയ നേട്ടങ്ങളിലൊന്ന്, ഇത്തരം സാഹചര്യങ്ങളെ നേരിടുന്നതില്‍ വന്‍ പാകത  തന്നെ. ഏറ്റവും അടുത്ത സുഹൃത്തുക്കള്‍ എല്ലാവരുമായുള്ള ബന്ധത്തിനു പത്തിരുപതു  വര്‍ഷത്തിനു മുകളില്‍ പഴക്കമുണ്ട്. മിക്കപ്പോഴും സൌഹ്രുദവും സ്നേഹവും സഹായങ്ങളുമാണ് കിട്ടിയിട്ടുള്ളത്. എന്നാല്‍, അടുത്ത സ്നേഹിതനാല്‍ ഭയങ്കരമായ ഒരു വഞ്ചനയില്‍പ്പെടുകയുണ്ടായി, അടുത്തയിടയ്ക്ക്. തുക പറഞ്ഞാല്‍ ഞെട്ടിപ്പോകും. ആ ആഘാതത്തില്‍ നിന്നും ഉയര്‍ത്തെഴുന്നേല്‍ക്കാന്‍ വര്‍ഷങ്ങള്‍ തന്നെ വേണ്ടി വരും.


എന്റെ മുന്‍പില്‍  പല ഓപ്ഷനുകള്‍ ഉണ്ടായിരുന്നു.  ഒരു കേസെങ്കിലും കൊടുക്കാമായിരുനു. ഒന്നും ചെയ്തില്ല. എനിക്കു 40 വയസാകുന്നു.കേസു തീരണമെങ്കില്‍ അഞ്ചു പത്തു കൊല്ലമെടുത്തേക്കാം  ഇനിയെത്ര വര്‍ഷം ഉണ്ട് മുന്‍പില്‍?  ഒരു മനുഷ്യനോടും പിണങ്ങാനും പ്രതികാ‍രം ചെയ്യാനും  സമയമില്ല. ചെയ്യേണ്ട അത്യാവശ്യം കാര്യങ്ങള്‍  ചെയ്യാന്‍ പോലും സമയമില്ല. കേസു നടക്കുന്നിടത്തോളം കാലവും ദേഷ്യവും പകയും, കേസു ജയിക്കാനുള്ള പദ്ധതികള്‍ ആസൂത്രണം ചെയ്യാനും സമയവും പണവും കണ്ടെത്തണം. അതു അപ്പോഴേ വിട്ടുകളഞ്ഞു. ഇങ്ങനെ ചിന്തിക്കുന്നത് ബുദ്ധിപരമായ തീരുമാ‍നമേയല്ലന്നറിയാം. എല്ലാവര്‍ക്കും പിന്തുടരാവുന്ന വഴിയും അല്ല.ക്ഷേ അത്തരം തീരുമാനങ്ങള്‍ തരുന്ന മനസ്സമാധാനം ചെറുതല്ല.താണ് മുഖ്യമെന്നു നമ്മള്‍  തീരുമാനിക്കക. ഗുണമായാലും  ദോഷമായാലും അവനവനു തന്നെ.
പണ്ട്      ബോംബെയില്‍ വച്ച് ബാപ്പുട്ടിക്കയ്ക്ക് വാടക കൊടുക്കാതെ മുങ്ങിയതും, ബംഗാളിയുടെ കൈയ്യില്‍ നിന്നും വിസയ്ക്ക് പൈസ വാങ്ങിച്ചിട്ട് തിരിച്ചു കൊടുക്കാന്‍ പറ്റാഞ്ഞതും,     എനിക്ക് കൊടുത്തു തീര്‍ക്കാന്‍കഴിയാതെ പോയ പല കടങ്ങളും ഇങ്ങനെത്തന്നെ ആയിരുന്നുവല്ലോ
3-സ്വന്തം ഭാര്യയില്‍ നിങ്ങള്‍ കാണുന്ന ഗുണവും ദോഷവും എന്താണ്?
ഞാന്‍  ഏറ്റവും അടുത്തറിയാവുന്നതില്‍  വലിയ ആത്മീയ വ്യക്തി എന്റെ ഭാര്യയാണ്. അതിനേക്കാള്‍ വലിയ ആത്മീയര്‍ ധാരാളം ഉണ്ട്. പക്ഷേ എനിക്ക് അവരെ അടുത്തു  പരിചയമില്ലല്ലോ. അടുത്തറിയുമ്പോള്‍ പലരുടെയും ആത്മീയ മുഖം പൊളിഞ്ഞു വീഴാറാണ് പതിവ്.
4- ബൂലോകത്തില്‍ നിന്നും കിട്ടിയ ഏറ്റവും ഗുണം സമാനമനസ്കരും, രാഷ്ടീയ സാമൂഹികബോധമുള്ള, ലോകത്തിന്റെ പലകോണിലുള്ള  ഒരുപിടി സൌഹൃദങ്ങള്‍ ആയിരിക്കുമല്ലോ... ഇനിയൊരു സാങ്കല്പിക ചോദ്യം.... കൈലാസയാത്രയില്‍ മാഷിന്റെ കൂടെ പോരാന്‍ 3 ബ്ലോഗര്‍മ്മാര്‍ക്കും, 2 ബ്ലോഗിണികള്‍ക്കും അവസരമുണ്ടെങ്കില്‍, അറിഞ്ഞ സൌഹൃദത്തില്‍ നിന്നും, ആരെയൊക്കെ തിരഞ്ഞെടുക്കും. അതിന് അവരില്‍ കണ്ട ഗുണങ്ങള്‍.?
കുഴക്കുന്ന ചോദ്യം. എനിക്കു മറ്റുള്ളവരുമായി പൊരുത്തപ്പെടാന്‍ എളുപ്പം കഴിയാറുണ്ട്. അതുകൊണ്ട്, ഞാന്‍ പരിചയെപ്പെട്ടിട്ടുള്ള ആരുടെ കൂടെ പോകുന്നതിലും ബുദ്ധിമുട്ട് ഇല്ല. പിന്നെ എടുത്തു പറഞ്ഞാല്‍, ഒന്നാമത്തേതു നിരക്ഷരന്‍ ആയിരിക്കും. ഞങ്ങള്‍ കഴിഞ്ഞ അവധിക്കു ഞങ്ങള്‍ ഗവിയ്ക്കു പോയിരുന്നു.നിരക്ഷരനുമായി ഇടപെടുമ്പോല്‍ അനായസത തോന്നാറുണ്ട് ചാര്‍വ്വാകന്‍ ചേട്ടന്‍, നിസ്സഹായന്‍, ഷൈജു ( വിക്കിപീഡിയ) എരെല്ലാവരും യാത്രാ പ്രിയരും രസികന്മാരും ആയിരുന്നു. നാട്ടില്‍ വച്ചു കണ്ട നന്ദന്‍,മനോരാജ്, സജ്ജീവേട്ടന്‍ നാട്ടുകാരന്‍..എനിക്കു ആരുടെപോകാനും ബുദ്ധിമുട്ടില്ല. 
പോങ്ങുമ്മൂടനെ കണ്ടിട്ടു മണിക്കൂറുകളോളം ചിരി തന്നെയായിരുന്നു. പൊങ്ങുവിനെ ചെറുപ്പം മുതല്‍ക്കേ  പരിചയമുള്ളതുപോലെ തോന്നി.
ദുബായില്‍ വച്ചു കണ്ടതില്‍, വിശാലന്‍ കുഴൂര്‍, കുറുമാന്‍ പൊറാടത്ത് അപ്പു, കൈതമുള്ള് ..എല്ലാവരും ഇടപെടാന്‍ വളരെ സുഖമുള്ളവര്‍ തന്നെ.ബഹറില്‍ ബൂലോകത്തിലെ ആരുടെയും കാര്യം പറയേണ്ടല്ലോ!. കഴിഞ്ഞ അവധിക്കു ബന്യാമിനോടൊപ്പം മൂന്നാറിനു പോയിരുന്നു. അത്യന്തം രസകരമായിരുന്നു.

ബ്ലോഗിണികള്‍- എനിക്കു അത്ര അടുത്ത്  ആരേയും പരിചയമില്ല, കിച്ചുവും ലക്ഷ്മി (യു.കെ) ഒഴികെ.  ലക്ഷ്മിയുമായി   സംസാരിക്കുമ്പോഴും, ഒരു സ്വാതന്ത്ര്യം അടുപ്പവും തോന്നാറുണ്ട്.


യേസ്, എനിക്കു ആരുടെ കൂടെ യാത്ര ചെയ്യാനും ഇഷ്ടമാണ്..
5-വിവാഹത്തിന് മുമ്പ് ലൈംഗീകതയില്‍ ഏര്‍പ്പെട്ടിട്ടുണ്ടോ? അല്ലെങ്കില്‍ അത്തരം പ്രവൃത്തിയെ ന്യായികരിക്കുന്നുണ്ടോ?
ചോദ്യത്തിന്റെ ആദ്യ ഭാഗത്തിന്റെ ഉത്തരത്തിനു ഇനി എന്തെങ്കിലും പ്രസക്തി ഇനിയുണ്ടെന്നു തോന്നുന്നില്ല.  എന്റെ ജീവിതത്തിലെ ഏറ്റവും വലിയ ടേണിംഗ് പോയിന്റ് വിവാഹമായിരുന്നില്ല.. ക്രിസ്തു മതത്തിലേയ്ക്കുള്ള തിരിച്ചു വരവായിരുന്നു. അതിനു മുന്‍പുള്ള ജീവിത വീക്ഷണമല്ല ഇന്നുള്ളത്. ഇരുവര്‍ക്കും സമ്മതമാണെങ്കില്‍ ആര്‍ക്കും ആരുമായും ലൈംഗിക ബന്ധത്തില്‍ ഏര്‍പ്പെടാം എന്നതായിരുന്നു അന്നുവരെയുള്ള  എന്റെ ഒരു വിശ്വാസപ്രമാണം. സാഹചര്യം, മാത്രമേ പരിഗണിക്കേണ്ടതുള്ളൂ.
 
പക്ഷേ, ഇപ്പോഴത്തെ  ചിന്താഗതി അതല്ല. വിവാഹപൂര്‍വ്വ ലൈംഗികത തെറ്റു തന്നെ. ഒരു തരത്തിലും അംഗീകരിക്കുന്നില്ല.
6-ക്രിസ്റ്റാനിറ്റിയില്‍, പിതാവും പുത്രനും പരിശുദ്ധാത്മാവും എന്നതുപോലെ തന്നെ...... വിശുദ്ധമറിയം, വിശുദ്ധയൌസേപ്പ് പിതാവ് എന്ന് മറ്റു എപ്പിസ്ക്കോപ്പല്‍ സഭകള്‍ ആരാധിക്കുന്ന വിശുദ്ധന്മാരെ ആരാധികാതിരിക്കാനുള്ള കാരണമെന്ത്.
ബൈബിളിന്റെ പുതിയ നിയമത്തില്‍ 65 വര്‍ഷത്തെ ക്രിസ്തീയ സഭയുടെ ചരിത്രം രേഖപ്പെടുത്തപ്പെട്ടിട്ടുണ്ട്. അതില്‍ ഒരിടത്തും,മറിയത്തിനോയോ, ജോസഫിനെയോ, മറ്റു പുണ്യളന്മാരെയോ അരാധിച്ചുരുന്നതായോ,  മദ്ധ്യസ്ഥ്നായി കരുതിയിരുന്നതായോ ഒരു സൂചന    പോലും  ഇല്ല. യേശു നേരിട്ടു പഠിപ്പിച്ചതും (നാലു സുവിശേഷങ്ങള്‍) ശിഷ്യന്മാര്‍ നിര്‍വഹിച്ചതും, (അപ്പോസ്തോല പ്രവര്‍ത്തികള്‍)  അപ്പോസ്തോലോന്മാര്‍ വിശദീകരിച്ചുമാണ്  ( ലേഖനങ്ങള്‍) ക്രിസ്തീയ സഭയുടെ ആധാര വിശ്വാസ പ്രമാണങ്ങള്‍. അവയില്‍ ഒരിടത്തും ഇത്തരം ആരാധനയുടെ സൂചന ഇല്ല. അവയെല്ലാം പിന്നീട് വന്ന കൂട്ടിച്ചേര്‍ക്കലുകളാണ്.
7-ജീവിതത്തില്‍ മദ്യവും, മയക്ക് മരുന്നുകളും ഉപയോഗിച്ചിരുന്നോ? അത് തുടരുന്നുണ്ടോ. ഇല്ലെങ്കില്‍ അതിനുള്ള കാരണമെന്ത്?
ഹ ഹ .. ഇതു വായിക്കുമ്പോല്‍ പണ്ട് വാളുവച്ച എന്നെ ചുമന്നു കൊണ്ടുപോയ സുഹൃത്തുക്കള്‍ ചിരിക്കുന്നുണ്ടാവും.


ഞങ്ങളുടെ കാമ്പസില്‍ മരിജുവാന വന്നു വാഴ്ച തുടങ്ങിയത് ഞങ്ങളുടെ കാലത്താണ്.  മദ്യപാനത്തെക്കാള്‍ ആസ്വാദ്യത ഉണ്ടായതുകൊണ്ടാവണം,  വളരെപ്പെട്ടെന്നു എല്ലാവര്‍ക്കും ഇഷ്ടവായി. എതാണ്ട്  രണ്ടു വര്‍ഷം അതു തുടര്‍ന്നു, പഠനം കഴിഞ്ഞു, ഞാനും ജൈസണ്‍ (ഹിമാലയ യാത്രയിലെ സഹയാത്രികന്‍) ബോംബെയില്‍ എത്തി. ജോലിയൊന്നും ഇല്ലാതെ ഒരു ദിവസം ഡോക്ക് യാര്‍ഡ് റോഡിലെ തെരുവിന്റെ ഓരത്ത് ഇരിക്കുകയായിരുന്നു. റോഡില്‍  ഭിക്ഷക്കാര്‍ നിര നിരയായി കിടന്നു ഉറങ്ങുന്നു..


പെട്ടെന്ന് എങ്ങു നിന്നോ കഞ്ചാവു പുകയുടെ നേര്‍ത്ത മണം.  ഒരു കിലോമീറ്ററുനുള്ളില്‍ നിന്നും പോലും ആ മണം ഞങ്ങള്‍ക്കു തിരിച്ചറിയാമായിരുന്നു. അന്വേഷിച്ച് നടന്ന് അവസാനം തെരുവിന്റെ മൂലയില്‍ ഒരു പിച്ചക്കാരന്‍ പഴകി ദ്രവിച്ച ഒരു കട്ടിലില്‍ കുത്തിയിരുന്നു വലിക്കുന്നു.

“ഭായ് സാബ് ധോടാ കഞ്ച്ചാവ് ദിയേഗാ ?”-


ഭിക്ഷകാരന്‍ ജീവിതത്തില്‍ ആദ്യമായ് ഭായി സാബ് എന്ന വിളി കേള്‍ക്കുകയായിരിക്കും.


“ഗഞ്ച ഗിഞ്ച കോന്‍ പീത്താഹേ?  ഹം ചരസ് പീത്താഹേ..”. ഞെട്ടിപ്പോയി.


എന്നാലും ഒന്നു നോക്കുക തന്നെ.. അന്നു തുടങ്ങിയത് പിന്നീട് ഒന്നര വര്‍ഷം തുടര്‍ന്നു. ഏഴു രൂപ ഒരു ഗോലിയ്ക്ക്.  ഒരെണ്ണം രണ്ടുപേര്‍ ചെറ്ന്നു വലിച്ചാല്‍ രണ്ടു നേരത്തെ ഭക്ഷണം ലാഭിക്കാം.


അവസാനമായി വലിച്ചതും കുടിച്ചതും എന്നാണെന്നു ഓര്‍മ്മയില്ല. ആദ്യമായി സുവിശേഷപ്രസംഗം കേല്‍ക്കാന്‍ സെക്ടര്‍ സെവനിലെ മൈതാനത്ത് പോയപ്പോഴും നന്നായി മദ്യപിച്ചിരുന്നു, അതിനു ശേഷം ഒന്നു രണ്ടു വട്ടം കൂടി കുടിച്ചിട്ടുണ്ടെന്നു തോന്നുന്നു.പിന്നീട് എപ്പോഴോ ആ ശീലങ്ങളൊക്കെ വിട്ടു പോയി..
8- ഒരു പിതാവെന്ന നിലയില്‍ എന്തൊക്കെയാണ് സ്വയം കാണുന്ന ഗുണങ്ങളും, ദോഷങ്ങളും?
നല്ല മാതാപിതാക്കളായിരുന്നു എന്റേത്, പക്ഷേ,ഒരു കുടിയേറ്റ കര്‍ഷകകുടുംബത്തിലെ എല്ലാ പരിമിതികളും ഉണ്ടായിരുന്നു, ദാരിദ്രമൊഴികെ. ആഗ്രഹിച്ചതൊന്നും നടന്നിട്ടില്ല. അതുകൊണ്ടാവാം  എന്റെ മക്കളുടെ ഏറ്റവും വലിയ ആഗ്രഹങ്ങള്‍ കഴിയുമെങ്കിലും  സാധിപ്പിക്കാറില്ല. ഒരു പടി  താഴെയുള്ള  കാര്യങ്ങള്‍ ചെയ്തുകൊടുക്കും. പരാജയവും അവകാശം നിഷേധിക്കുമ്പോഴത്തെ അവസ്ഥയും അറിയിച്ചു തന്നെയാണ് വളര്‍ത്തുന്നത്. പല മാതാപിതാക്കളും സൂപ്പര്‍മാര്‍ക്കെറ്റിലും മറ്റു പുറത്തു പോകുമ്പോല്‍ മക്കളുടെ സംസാരവും, ഇടപെടലും കാരണം ബുദ്ധിമുട്ടുന്നതു കാണാറുണ്ട്. ഞാന്‍ ഒരിക്കലും അനുവദിക്കാറില്ല.


മക്കളെ ശിക്ഷിക്കുമ്പോല്‍ പലപ്പോഴും, അവര്‍ ചെയ്ത  തെറ്റിന്റെ കാഠിന്യത്തേക്കാള്‍ എനിക്കു വന്ന കോപത്തിന്റെ അളവു ശിക്ഷയെ സ്വാധീനിക്കാറുണ്ട്. അതു തെറ്റു തന്നെ.
9-മാഷിന്റെ ബ്ലോഗില്‍ നിന്നും വായിച്ചിട്ടുണ്ട് ഹിന്ദുപുരാണങ്ങളോടും,  അതുപോലെ തന്നെ ഹിന്ദു മിത്തോളജിയോടുമുള്ള അടുപ്പവും, ആദരവും.... ഇന്നും അത് മനസ്സിലുണ്ട്. എങ്കില്‍ എന്തുകൊണ്ട് കയ്യില്‍ പച്ച കുത്തിയ ശ്രീകൃഷ്ണന്റെ രൂപം എടുത്ത്മാറ്റി?
ഹിന്ദു തത്വചിന്തയോടുള്ള പ്രതിപത്തി എന്നു തുടങ്ങിയെന്നോ എങ്ങിനെ തുടങ്ങുയെന്നോ കൃത്യമായി പറയാനാവില്ല.എന്തായാലും ഗൌരവമായി ഒരു മതം മാറ്റത്തേപ്പറ്റി ചിന്തിച്ചിരുന്നു.  ക്രിസ്ത്യാനി ആയി ജനിച്ച ഒരാള്‍ ഹിന്ദു മതത്തിലേയ്ക്കു ചേരുന്നത് അത്ര സാധാരണമല്ല.. പുല്ലുവഴിയിലുള്ള ഒരു ആര്യ സമാജം പ്രവര്‍ത്തകനായ സ്നേഹിതന്‍ ഉണ്ടായിരുന്നു. പല വഴികളും ചിന്തിച്ചു.   രസകരമായ കാര്യം ഒരാള്‍ക്കു ഹിന്ദു മതത്തിലേയ്ക്കു ചേരാനാവില്ല എന്നതാണ്. അതിന്റെ ഏതെങ്കിലും ഒരു ജാതിയിലേ ചേരാനാവൂ. നായരോ, ഈഴവനോ പുലയനോ...അല്ലാതെ ഹിന്ദുവില്ല.


എന്തായാലും ഇതിന്റെ ഭാഗമായ അദ്വൈത വേദാന്തം തലയ്ക്കു പിടിച്ചപ്പോള്‍ കൂടുതല്‍ പഠനത്തിനായി ചെന്നത് ഒരു ആശ്രമത്തില്‍ ആയിരുന്നു. അതിന്റെ ചരിത്രം ഇവിടെ (ലിങ്ക്) എഴുതിയിട്ടുണ്ട്. പക്ഷേ അവിടുത്തെ പഠിപ്പിക്കലുമായി ഒത്തു ചേരാനാവാതെ അധികം താമസിയാതെ  പുറത്തു പോന്നു. ഹിന്ദുമത വിശ്വാസങ്ങളോടും പുരാണേതിഹാസങ്ങളോടും എനിക്ക് ഇന്നും വളരെ താല്പര്യം തന്നെയാണ്. അതെല്ലാം പഠിച്ചിട്ട് തെറ്റാണെന്നു മനസിലാക്കി  തിരികെ ക്രിസ്തുമത വിശ്വാസത്തിലേയ്ക്കു വന്നതല്ല.

മുപ്പതു രൂപ കൊടുത്തു പച്ച കുത്തിയതായിരുന്നു, ശ്രീകൃഷ്ണനെ,. അതു കളയുവാന്‍ ഇരുപതിനായിരം രൂപയോളം മുടക്കു വന്നു.


അപ്പോള്‍ അങ്ങിനെ തോന്നി, ഇപ്പോളിങ്ങനെയും.
10- ഭാര്യഭര്‍ത്തൃബന്ധത്തില്‍ പ്രത്യുല്പാദനത്തിലുപരി......സെക്സിന് എന്തു സ്ഥാനമാണുന്നത്. അതില്‍ ഫാന്റസിക്കുള്ള അതിര്‍വരമ്പെത്ര? ഇണയുടെ സംതൃപ്തിയില്‍ ആണോ സന്തോഷം തോന്നാറുള്ളത്.
ഇക്കാര്യത്തില്‍ ഞാനൊരു സാധാരണ ഡേര്‍ട്ടി മല്ലു തന്നെ.


എന്റെ വിശ്വാസം മാത്രം പറയാം. സോളമന്‍ രാജാവും പറഞ്ഞ രസകരമായ ഒരുവാചകമുണ്ട്   ഇതിനെ പറ്റി ബൈബിളില്‍, “ വേലി പൊളിക്കുന്നവനെ പാമ്പു കടിക്കും”


ഭാര്യ ഒരു വേലിയാണ്. വരുമാനം മറ്റൊരു  വേലിയാണ്-


ഇത്തരം വേലികള്‍ക്കു ഉള്ളില്‍ നില്‍ക്കുന്നതാണ് അഭികാമ്യം. ഇവിടെ പറഞ്ഞിരിക്കുന്ന പാമ്പ് ഹവ്വായെ ചതിച്ച പാമ്പു തന്നെ. 
11-ഒരു സൌഹൃദത്തിന് സജിമാഷ് അവലംബമാക്കുന്ന മാനദന്ധങ്ങള്‍ എതാണ്?
സൌഹൃദം എനിക്കു ലഹരിയാണ്.  സുഹൃത്തുക്കളുമായി സംസാരിച്ചിരിക്കുന്നതും യാത്ര ചെയ്യുന്നതും ആണ് ഏറ്റവും സന്തോഷകരമായ പ്രവൃത്തികള്‍. ഇപ്പോള്‍, പുതിയ സുഹൃത്തുകളെ സമ്പാദിക്കുമ്പോള്‍ കഴിയുമെങ്കില്‍ മദ്യപിക്കുന്നവരെ ഒഴിവാക്കാന്‍ ശ്രമിക്കാറുണ്ട്. (പക്ഷേ പലപ്പോഴും കഴിയാറില്ല.കാരണം കണ്ടു മുട്ടിയ മിക്കവര്‍ക്കും ദുശ്ശീലങ്ങളെ കവച്ചുവയ്ക്കുന്ന മറ്റു ഗുണങ്ങളും, കഴിവുകളും,  സ്നേഹവും ഉണ്ട്)


അതേസമയം പഴയ സുഹൃത്തുക്കള്‍ മിക്കവരും മദ്യപിക്കുന്നവരാണ്‍ ‍, അവരെ ഒഴിവാക്കാറില്ല, ഒഴിവാക്കാന്‍ കഴിയില്ല.


അഹങ്കാരവും പൊങ്ങച്ചവും ഉള്ളവരുമായി ഒത്തുപോകാന്‍ വലിയ ബുദ്ധിമുട്ടാണ്. 
12-ബ്ലോഗര്‍ കൈപ്പള്ളിയില്‍ സജിമാഷ് കാണുന്ന ഏറ്റവും വലിയ ഗുണമെന്താണ്?
കൈപ്പള്ളിയെ ഒരിക്കലേ കണ്ടിട്ടുള്ളൂ. രണ്ടു മാസങ്ങള്‍ക്കു മുന്‍പ് ദുബായിയില്‍ പോയപ്പോള്‍. അദ്ദേഹത്തിന്റെ ചെറുപ്പം തന്നെ ആദ്യം എന്നെ അല്‍ഭുതപ്പെടുത്തി. അറിവുള്ളവരോടും,  വാദമുഖങ്ങളെ സമര്‍ത്ഥമായി അവതരിപ്പിക്കാന്‍ കഴിയുന്നവരോടും പണ്ടേ ബഹുമാനമാണ്. അര മണിക്കൂര്‍ മാത്രമേ സംസാരിച്ചുരുന്നുള്ളൂ. പക്ഷേ, ഭാഷയെ സംബന്ധിച്ചുള്ള കൈപ്പള്ളിയുടെ വാദഗതികള്‍ എന്റെ ധാരണകളെത്തെന്നെ മറിച്ചു കളഞ്ഞു. 
കൈപ്പള്ളിയുടെ പരിസ്ഥിതി സം‌രക്ഷണപ്രവര്‍ത്തികള്‍ പ്രശസ്തമാണ്. അവധി ദിവസം ബീച്ചില്‍ പോയി ചപ്പു ചവറുകള്‍ പെറുക്കി ഒരു കൂട്ടില്‍ ശേഖരിച്ച് കുപ്പത്തൊട്ടിയില്‍ ഇടുമത്രേ! കൈപ്പള്ളി ഒരു അസാമാന്യ വ്യക്തി തന്നെ, സംശയമില്ല. വ്യക്തിപരമായി കൂടുതല്‍ അടുപ്പമില്ല.
13- ഭാര്യയെ പ്രണയിച്ച് വിവാഹം കഴിച്ചതാണോ. അല്ലെങ്കില്‍ വിവാഹത്തിന് മുമ്പ് പ്രണയമുണ്ടായിരുന്നോ? ഉണ്ടായിരുന്നെങ്കില്‍ പഴയ പ്രണയിണിയെ ഇന്ന് കാണുമ്പോള്‍ അവരുടെ അവസ്ഥയില്‍ സന്തോഷമോ ദു:ഖമോ?
ഭാര്യയെ ആദ്യം കാണുന്നത് വിവാഹം ഉറപ്പിക്കുന്ന അന്നാണ്. അന്നു എനിക്കു ജോലി സൌദിയില്‍, സുനി ഡെല്‍ഹിയിലും. ഫോട്ടോ കണ്ടിട്ടുണ്ടായിരുന്നു, ഫോണില്‍ സംസാരിക്കുകയും ചെയ്തിരുന്നു. പ്രണയമായിരുന്നൊ എന്നു ചോദിച്ചാല്‍,  വിവാഹം നടക്കുമെന്ന് ഉറപ്പായതിനു ശേഷമുള്ള അടുപ്പത്തെ അങ്ങിനെ തന്നെ പറയാം.


വിവാഹത്തിനു മുന്‍പ് കാക്കത്തൊള്ളായിരം  പെണ്‍കുട്ടികളെ പ്രണയിച്ചിട്ടുണ്ട്. ഇച്ചിരെകൂടി കൃത്യമായിപ്പറഞ്ഞാല്‍, കാണാന്‍ കൊള്ളാവുന്ന, നന്നായി ഇടപെടുന്ന, നന്നായി സംസാരിക്കുന്ന  പെണ്‍കുട്ടികളോടെല്ലാം  ഇഷ്ടം തോന്നിയിട്ടുണ്ട്.


എനിക്കു വളരെ ഇഷ്ടമുള്ള ഒരു പെണ്‍കുട്ടി ഉണ്ടായിരുന്നു. അവള്‍ സുന്ദരി ആയിരുന്നില്ല.പക്ഷേ അത്രയ്ക്കും മധുരമായി സംസാരിക്കുന്ന ആരേയും പിന്നീട് പരിചയപ്പെട്ടിട്ടില്ല. അവളുടെ ഇപ്പോഴത്തെ അവസ്ഥയില്‍ ദുഖമുണ്ട്- വളരെ, വളരെ.   അത്രയേ ഇവിടെ പറയനാകൂ. (ആരോ ഇങ്ങനെ മുമ്പ് പറഞ്ഞിട്ടുണ്ടല്ലോ, പ്രണയിച്ചിരുന്ന പെണ്‍കുട്ടി, അവളുടെ പിന്നീടുള്ള ജീവിതത്തില്‍ എപ്പോഴും അസംതൃപ്തയായിരുക്കുന്നത്  കാണാനാണ് പുരുഷന്‍ ഇഷ്ടമെന്ന്. എങ്കിലേ അവള്‍ മുന്‍ കാമുകനെ ഓര്‍ക്കുകയുള്ളൂവത്രേ!!)
14- വചനശുശ്രൂഷയിലെ പൊള്ളത്തരവും, ഡോള്‍ബിസിസ്റ്റത്തില്‍ നടക്കുന്ന കരിസ്മാറ്റിക്ക് ഹിസ്റ്റീരിയകളും കേരളത്തില്‍ ഒരു ബിസിനസ്സ് ആയി നടക്കുമ്പോള്‍, അത്തരം ചട്ടക്കുടിലുള്ള പെന്തക്കോസ്റ്റ് സഭയില്‍ നിന്നും, ഇതര സമുദായങ്ങളെയും, അവരുടെ ആശയത്തെയും, ദൈവവിശ്വാസത്തെയും എങ്ങിനെ നോക്കിക്കാ‍ണുന്നു.
ഇന്റര്‍നെറ്റ് വഴി കറങ്ങി നടക്കുന്ന ബൈബിള്‍ പ്രസംഗങ്ങളുടെ ക്ലിപ്പിങ്ങുകള്‍ കാണുമ്പോള്‍ വേദന തോന്നാണ്ട്. ക്രിസ്തുമത പ്രചാരകര്‍ എങ്ങിനെ ഇത്രമാത്ര അപഹാസ്യരും, ധനമോഹികളും ആശയ ദാരിദ്ര്യം ബാധിച്ചവരും ആയിത്തീര്‍ന്നു എന്നോര്‍ത്തിട്ട്.


ജനത്തെക്കൂട്ടുന്ന എല്ലാ പ്രകടനങ്ങളും പൊള്ളത്തരമാണ്. “വരിക ക്രൂശിക്കപ്പെടുക..“( ബ്രോണ്‍ ഹോഫര്‍), ഇതാണ് ക്രിസ്തുവിന്റെ വിളി. ഇങ്ങനെ വിളിച്ചാല്‍ എങ്ങിനെ ജനം ഓടിക്കൂടും.?  മൂന്നരകൊല്ലക്കാലം ഈ ഭൂമിയില്‍ ദൈവം തന്നെ സുവിശേഷം പറഞ്ഞിട്ട്, ലഭിച്ചത് വെറും പതിനൊന്നു ശിഷ്യന്മാരെയാണ്.  അപ്പം തിന്നു സന്തോഷിച്ചവര്‍ അയ്യായിരത്തലധികമായിരുന്നു എന്നോര്‍ക്കണം.


ഡോള്‍ബി സിസ്റ്റത്തിന്റെ പ്രഭാവത്തില്‍, കിലുക്കി കുത്തുകാരന്റെ അടുത്തു ചെല്ലുന്ന പോലെ , ഒന്നു വച്ചാല്‍ രണ്ടു കിട്ടും എന്നു വിചാരിച്ച് ചെന്ന്  “മയങ്ങി വീഴുന്നവരോന്നും” ക്രിസ്തു ശിഷ്യന്മാരായി മാറുന്നില്ല. ആരും അവരെ അവരെ മാറ്റുന്നിമില്ല.


മറ്റു സമുദായങ്ങളുമായി, ദൈവ വിശ്വാസികളുമായി ഒത്തുപോകുന്നതില്‍ ഒരു ബുദ്ധിമുട്ടും തോന്നാറില്ല. സൌദിയിലെ ജീവിതം  ഇസ്ലാം മതത്തോട്  ഒരു അകല്‍ച്ചയ്ക്കു കാരണമാക്കിയിട്ടുണ്ട്.  പലപ്പോഴും മുന്‍‌വിധിയോടെ കാണാറും ഉണ്ട്. അങ്ങിനെ പാടില്ലാത്തതാണ് ‍.  മനുഷ്യനോടുള്ള ക്രൂരതകളെ (ശത്രുവിനോടാണെങ്കില്‍പ്പോലും) സാധൂകരിക്കുന്ന എന്തോ ഒരു ഘടകം ഇസ്ലാമിലുണ്ടെന്നു തോന്നുന്നു. പക്ഷേ നന്നായി അറിയില്ലാത്തതുകൊണ്ടായിരിക്കാം, ഇതുവരെ പഠിക്കാന്‍ ശ്രമിച്ചിട്ടില്ല, പഠിക്കാന്‍  തോന്നും വിധം ആകര്‍ഷകമായി ആരും അവതരിപ്പിച്ച് കണ്ടിട്ടും ഇല്ല. എം എം അക്ബറിനേപ്പോലുള്ള മത പ്രചാരകര്‍ ആ അകല്‍ച്ച കൂട്ടിയിട്ടേയുള്ളൂ.
15-സജിമാഷ് ജനനം കൊണ്ട് ക്രിസ്ത്യാനിയോ, അതോ ജീവിതംകൊണ്ട് ക്രിസ്ത്യാനിയോ?
വീട്ടുകാര്‍ എല്ലാവരും ജാക്കോബൈറ്റ് വിശ്വാസികളാണ്.  ഹൈന്ദവ ആചാരങ്ങളിലും മിത്തുകളിലുമുള്ള താല്‍പ്പര്യം പറഞ്ഞുവല്ലോ!  ക്രിസ്ത്യാനിത്വം ജനനം കൊണ്ട് കിട്ടുന്നതല്ല.


“നിങ്ങള്‍ തമ്മിള്‍ തമ്മില്‍ ഉള്ള സ്നേഹം കണ്ടിട്ട് എന്റെ ശിഷ്യന്മാര്‍ എന്ന് അറിയപ്പെടും”- ഇതാണ് ക്രിസ്തുവിന്റെ നിര്‍വ്വചനം.


മീശവടിക്കുന്നതും, വെള്ള ഷര്‍ട്ട് ഇടുന്നതും,കൈയ്യില്‍ ബൈബിള്‍ കൊണ്ടുനടക്കുന്നതും  ളോഹ ധരിക്കുന്നതും കണ്ടാല്‍ മനുഷ്യര്‍ ക്രിസ്ത്യാനി എന്നു വിളിക്കും. ക്രിസ്തുവോ, അവന്റെ ഉള്ളില്‍  സഹജീവിയോടു ഹൃയപൂര്‍വ്വമായ സ്നേഹമില്ലെങ്കില്‍, മേല്‍പ്പറഞ്ഞ എല്ലാ ഗുണവുമുണ്ടെങ്കിലും ക്രിസ്ത്യാനി എന്നു പറയുകയില്ല.


ശിഷ്യത്വം എന്ന ഹിമാലയ ആരോഹണത്തിലാണ് ഞാന്‍. വേഗത കുറവാണ്, ഒത്തിരി ഒന്നും കയറാനും കഴിഞ്ഞിട്ടില്ല. പക്ഷേ എന്റെ ദിശ മുകളിലോട്ടു തന്നെയാണ്.
16- സാജുജോണ്‍ എന്ന വ്യക്തിയില്‍ താങ്കള്‍ കാണുന്ന കുറവുകള്‍ എന്തെല്ലാം...?
സൌഹ്രുദം നിലനില്‍ക്കാന്‍ കുറവുകളോടുകൂടിത്തന്നെ സുഹൃത്തുക്കളെ അംഗീകരിക്കുകയാണ് ഉത്തമം. യോജിക്കാന്‍ കഴിയാത്ത മേഖലകളില്‍ വിട്ടു നില്‍ക്കുക.കറക്ട്ചെയ്യാന്‍ ശ്രമിക്കാതിരിക്കുക. അതേസമയം ഗ്ലോറിഫൈഡ്  ആയിട്ടുള്ള കുറവുകളുണ്ടല്ലോ (ക്ഷമ കുറവാണ്, ക്ഷിപ്ര കോപിയാണ് തുടങ്ങിയ) , അവ  പറയുന്നത് കുറച്ച് അപകടമേ വരുത്തൂ.


സാജുവിന് സംസാരിക്കുമ്പോള്‍ കണ്‍സിസ്റ്റന്‍സി ഇല്ല. വാചകങ്ങള്‍ പൂര്‍ത്തിയാക്കില്ല. പക്ഷേ വക്രതല്ലാത്തതും, ഹൃദയപൂര്‍വ്വമായ  സംഭാഷണം എല്ലാ കുറവുകളേയും മറികടക്കുന്നു.


Download This Post In PDF Format

50 comments:

Unknown said...

അഞ്ചാമത്തെതും പതിഞ്ചാമത്തെതും ഏറെ ഇഷ്ടായി.
സജി ഭായിയെ (ചൊടിപ്പിച്ചു) ചോദിച്ചു കുഴപ്പിച്ചല്ലേ..?
നന്നയി

saju john said...

പ്രിയ റ്റോംസ്....

ഞാനോരു കമന്റ് ആദ്യം ഇടുന്നതിന് മുമ്പ് വന്ന് കമന്റിട്ടോ...

പലരുടെയും ബ്ലാക്ക് & വൈറ്റ് ഉത്തരങ്ങള്‍ വരും..

സുനിൽ കൃഷ്ണൻ(Sunil Krishnan) said...

നല്ല ഉദ്യമം, നല്ല ചോദ്യങ്ങള്‍.അല്പം കൂടി മെച്ചപ്പെടുത്താം...ഉത്തരം പറയുന്ന ആളിനെ ആദ്യം അല്പമൊന്നു പരിചയപ്പെടുത്തിയാല്‍ പുതിയതായി വായിക്കുന്നവര്‍ക്കും മനസ്സിലാകും.ബ്ലോഗ് ലിങ്കുകളും കൊടുക്കാം..

അങ്ങനെ അച്ചായന്‍ ഊരിയെടുത്തു !

saju john said...
This comment has been removed by the author.
saju john said...

ചോദ്യങ്ങള്‍ ഇത്തിരി കൂടി മെച്ചപ്പെടുത്താമായിരുന്നുവെന്ന് ഇപ്പോള്‍ തോന്നുന്നു. മാത്രമല്ല ഇത്തിരികൂടി ട്വിസ്റ്റ് ചെയ്യുന്ന ചോദ്യങ്ങളും ആവാമായിരുന്നു.

ആദ്യത്തെ ശ്രമമല്ലേ ക്ഷമിക്കുക.

പ്രിയപ്പെട്ട സുനിലേ,

ബ്ലോഗ് ലിങ്കുകളും, പ്രത്യേക പരിചയപ്പെടുത്തലുകളും മനപ്പുര്‍വ്വം ഒഴുവാക്കിയതാണ് കാരണം ഒരു പ്രമോഷന്‍ ആവണ്ട എന്നു തോന്നിയതിനാല്‍. പിന്നെ വായനക്കാരുടെ കമന്റുകള്‍ അതിനെ എത്ര മാത്രം സപ്പോര്‍ട്ട് ചെയ്യുന്നുവെന്ന് നോക്കാം.

പിന്നെ നിങ്ങള്‍ക്കും ചോദ്യങ്ങള്‍ ചോദിക്കാന്‍ സജിയോട്.....അതിനാലാണ് ചോദ്യങ്ങളുടെ എണ്ണം ഞാന്‍ മനപ്പൂര്‍വ്വം കുറച്ചത്.

ഷിബു മാത്യു ഈശോ തെക്കേടത്ത് said...

ഈ അഭിമുഖം കൊള്ളാം... ഹൃദയം തുറന്നുള്ള ഉത്തരം പറഞ്ഞല്‍ നന്നായി... നട്ടപിരാന്തനും സജി മാര്‍ക്കോസിനും അഭിനന്ദനങ്ങള്‍

സജി മര്‍ക്കോസിനോട് ഒരു ചോദ്യം..
രാഷ്ട്രീയ-സാമൂഹിക ഇടപെടലുകള്‍ക്ക് പെന്തിക്കോസ്ത് വിശ്വാസത്തില്‍ വലിയ സ്കോപ്പ് ഇല്ല എന്ന് താങ്കള്‍ പറയുന്നു. എന്തുകൊണ്ടായിരിക്കണം രാഷ്ട്രീയ-സാമൂഹിക ഇടപെടലുകള്‍ നടത്തുന്നതില്‍ നിന്ന് പെന്തിക്കോസ്ത് വിശ്വാസികള്‍ പിന്നോക്കം പോകുന്നത്?

jayanEvoor said...

പിരാന്തൻ കലക്കി.

മറുപടി പറഞ്ഞ അച്ചായൻ അതിലും കലക്കി!

ഒരു പെന്തക്കോസ്ത് വിശ്വാസിയുടെ പരിധിയിൽ നിന്ന് പറയാവുന്ന പരമാവധി കാര്യങ്ങൾ തുറന്നു പറഞ്ഞു.

Unknown said...

സാജു ചേട്ടാ,
ക്ഷമിച്ചെര്. ഭായിയെ പറ്റി കണ്ടപ്പോള്‍ രസം മൂ ത്ത് വായിച്ചു കമന്‍റി പോയതാ.

Irshad said...

കൊള്ളാം ചോദ്യോത്തര പരിപാടി. ആള്‍ക്കാരെ അടുത്തറിയാന്‍ സഹായിക്കുന്ന നല്ല ഉദ്യമം.
അച്ചായന്‍ കലക്കി.

ആശംസകള്‍.

നിരക്ഷരൻ said...

ലൈംഗികം, വിവാഹേതരം, മയക്കുമരുന്ന്, മദ്യപാനം കഴിക്കല്‍...തുടങ്ങിയതൊക്കെയാണ് ചോദ്യങ്ങള്‍ അല്ലേ ? :)

മയക്കുമരുന്നു മദ്യപാനവും ഒഴിച്ചുള്ള അഡള്‍ട്ട്സ് ഓണ്‍ലി ചോദ്യങ്ങള്‍ക്കൊക്കെ “അരിയെത്ര ? പയര്‍.... “ എന്ന സ്റ്റൈലില്‍ അച്ചായന്‍ ഡിപ്ലോമാറ്റിക്കായി ഊരി രക്ഷപ്പെട്ടു :) ബൈബിളോ സ്വന്തം മറ്റ് മതഗ്രന്ഥമോ പഠിക്കേണ്ട ആവശ്യകത ഞാനിപ്പോള്‍ മനസ്സിലാക്കുന്നു :) :)
(ഉദാ:- ഹവ്വായുടെ പാമ്പ്)

അടുത്ത അഭിമുഖത്തിന് ഒരു നിര്‍ദ്ദേശം - ഒരാളോട് ചോദിച്ച ചോദ്യങ്ങള്‍ അടുത്ത ആളോട് ച്വാദിക്കരുത്. അത് ഫൌളാണ് :)

അടുത്ത യാത്രയില്‍ നിരക്ഷരനെ കൂട്ടാന്‍ താല്‍പ്പര്യമുണ്ടെന്നും, നിരക്ഷരന്‍ നല്ലവനാണെന്നും, മഹാമനസ്ക്കനാണെന്നും, അലിവുള്ള ഹൃദയമുള്ളവനാണെന്നും, സല്‍ഗുണസമ്പന്നനാണെന്നും, കൃസ്‌തു കഴിഞ്ഞാല്‍ ആ സ്ഥാനത്ത് അവരോധിക്കാന്‍ പറ്റിയ ജന്മമാണെന്നും, സര്‍വ്വോപരി സൌന്ദര്യത്തിന്റെ വിളനിലമാണെന്നുമൊക്കെയുള്ള അച്ചായന്റെ പരാമര്‍ശങ്ങള്‍ക്ക് നന്ദി :)

SUNIL V S സുനിൽ വി എസ്‌ said...
This comment has been removed by the author.
SUNIL V S സുനിൽ വി എസ്‌ said...

തനിക്കൊന്നും വേറെ പണിയില്ലേ..?
മനുഷ്യരെ ബേജാറാക്കാന്‍ ഓരോന്നുമായിട്ട്‌
ഇറങ്ങിക്കോളും... ബ്ലഡി കൂതറക്കൊച്ചൂട്ടന്‍സ്..!!!

സംഗതി കലക്കീട്ടാ..!!
അപ്പൊ രണ്ട്പേര്‍ക്കും ആശംസകൾ‍..
എന്റെ നമ്പർ എപ്പൊ വരും..?

absolute_void(); said...

മനോഹരമായ അഭിമുഖം. പ്രത്യേക പരിചയപ്പെടുത്തലില്ലാതെ തന്നെ വായിക്കുന്നതിലുമുണ്ടു് ഒരു രസം. ചില കമന്റുകള്‍ വായിച്ചിട്ടുണ്ടെന്നല്ലാതെ സജി മാര്‍ക്കോസിന്റെ ബ്ലോഗ് വായിച്ചിട്ടില്ല. പെന്തിക്കോസ്തുകാരോടു് സ്വതവേയുള്ള അസഹിഷ്ണുതയാവാം കാരണം. (പെന്തിക്കോസ്തുകാരോടു മാത്രമല്ല, രാഷ്ട്രീയത്തിന്റെയും മതത്തിന്റെയും അങ്ങനെ ഏതു ചിന്താഗതിയുടെയും എക്സ്‌ട്രീം പൊസിഷനില്‍ നില്‍ക്കുന്ന പലരോടുമുണ്ടു് ആ രോഗാതുരമായ അസഹിഷ്ണുത. ഒരു പക്ഷെ അതെന്റെ ജീവിതത്തിന്റെ മുദ്രയാകാം.) എങ്കിലും ഈ അഭിമുഖം വായിച്ചുകഴിഞ്ഞപ്പോള്‍ സജി മാര്‍ക്കോസിനെ കൂടി ഇനി വായിക്കണം എന്ന തോന്നല്‍.

nandakumar said...

ആസ്വാദ്യകരമായി വായിച്ചു. തീര്‍ത്തും സ്പഷ്ടമായ ഉത്തരങ്ങള്‍ ( ചിലതെങ്കിലും ഡിപ്ലോമാറ്റിക് ആയില്ലേ എന്നു ശങ്ക!) സജിയേയും വീക്ഷണങ്ങളേയും വ്യക്തമായറിയാന്‍ സാധിച്ചു, സന്തോഷം. രണ്ടു പേര്‍ക്കും.

നിരക്ഷരൻ said...

പെന്തക്കോസ്തുകാരെപ്പറ്റി അല്‍പ്പം പറയണമെന്ന് തോന്നി. ഓഫ് ടോപ്പിക്കാണ് എല്ലാവരും ക്ഷമി.

ഒറ്റപ്രാവശ്യം കാണുകയും സംസാരിക്കുകയും ചെയ്യുന്നതിനിടയില്‍ത്തന്നെ മതപരിവര്‍ത്തനത്തിന് നിര്‍ബന്ധിക്കുന്ന പെന്തക്കോസ്തുകാരെയായിരുന്നു എനിക്ക് പരിചയം.(സജി മാര്‍ക്കോസിനെ പരിചയപ്പെടുന്നതുവരെയും കാണുന്നതുവരേയും)

പരിചയപ്പെട്ട് വെര്‍ച്ച്വല്‍ സൌഹൃദവുമായി മുന്നോട്ട് പോയപ്പോഴൊന്നും അദ്ദേഹം പെന്തക്കോസ്ത് കാരനാണെന്ന് മനസ്സിലാക്കാന്‍ പോന്ന ഒരു നീക്കവും സംസാരവും ആ ഭാഗത്തുനിന്നുണ്ടായില്ല. നേരിട്ടുള്ള പരിചയം വളര്‍ന്നപ്പോള്‍ ഒരിക്കല്‍ അദ്ദേഹത്തിന്റെ ബഹറിനിലെ വീട്ടില്‍ പോകാന്‍ ഇടയായി. അദ്ദേഹത്തിന്റെ പത്നിയെ കണ്ടപ്പോളാണ് ഇവര്‍ പെന്തക്കോസ്ത് കാരായിരിക്കാം എന്ന സംശയം തോന്നിയത്. കാരണം മിസ്സിസ്സ് സജി മാര്‍ക്കോസ് ആഭരണമൊന്നും ധരിച്ചിട്ടുണ്ടായിരുന്നില്ല. വീട്ടില്‍ അവധി ദിവസം നില്‍ക്കുന്നതുകൊണ്ടാകാം എന്ന് മനസ്സില്‍ക്കരുതി. പിന്നേയും കൂറേക്കഴിഞ്ഞു, അതങ്ങ് ഉറപ്പിക്കാന്‍. ഇതൊക്കെ പോരാഞ്ഞിട്ട് ഹിന്ദുവായി ജനിച്ച എന്നേക്കാള്‍ നന്നായി വേദങ്ങളും പുരാണങ്ങളുമെല്ലാം സജി സംസാരിക്കുന്നു. അല്ലെങ്കിലും ഏതെങ്കിലും വര്‍ഗ്ഗത്തില്‍/മതത്തില്‍ ജനിച്ചതുകൊണ്ട് മാത്രം കാര്യമില്ലല്ലോ ?

എന്റെ മതമാണ് നിന്റേതിനേക്കാള്‍ നല്ലത് ഇതിലേക്ക് ചേരൂ എന്ന് പ്രമോട്ട് ചെയ്യുന്ന ഒരാളെയും എനിക്കിഷ്ടമല്ല. അല്ലാത്തവരെ എനിക്ക് വളരെയധികം ഇഷ്ടവുമാണ്. സ്വന്തം മതത്തില്‍ അടിയുറച്ച് വിശ്വസിക്കുന്നത് പോലെ തന്നെ മറ്റ് മതസ്ഥരെയും അവരുടെ വിശ്വാസത്തേയും ബഹുമാനിക്കാനും ആദരിക്കാനും കഴിയാത്തവരെ മാറ്റിനിര്‍ത്തുകയാണ് പതിവ്. അവരാണ് ഈ ലോകത്തിന്റെ ശാപം.

എല്ലാവരും ഒരു മതത്തിലേക്ക് മാറിയാല്‍ ഈ ലോകത്തെ എല്ലാ പ്രശ്നങ്ങളും മാറുമെന്ന് ആര്‍ക്കെങ്കിലും ഉറപ്പ് തരാന്‍ പറ്റുമെങ്കില്‍...(കുറഞ്ഞത് മതപരമായ പ്രശ്നങ്ങളെങ്കിലും തീരുമെങ്കില്‍) ആ മതത്തിലേക്ക് മാറാന്‍ ഞാന്‍ തയ്യാര്‍...

മതം രാഷ്ടീയം എന്നീ വിഷയങ്ങള്‍ ചര്‍ച്ചിക്കുന്നിടത്ത് സാധാരണ ഗതിയില്‍ പോയി തലയിടാറോ നാക്കിടാറോ ഇല്ല. ഇതിപ്പോള്‍ നട്ട്‌സിന്റെ അച്ചായനുമായുള്ള ഇന്റര്‍വ്യൂ ആണല്ലോ ? ഇവിടെ എന്തോ ഇങ്ങനൊക്കെ പറയണമെന്ന് തോന്നി. അടി വന്നാല്‍ നട്ട്‌സ് തടുത്തോളണം :) :)

ആളവന്‍താന്‍ said...

അതേ..... അച്ചായന്‍ ഊരി!!!!! വളരെ സമര്‍ത്ഥമായി തന്നെ. ഒരുപാട് കൊതിയോടെ വായിച്ച പല ചോദ്യങ്ങള്‍ക്കും ഉത്തരങ്ങള്‍ അച്ചായന്‍ വളരെ 'ഡിപ്ലോ' ആയി പറഞ്ഞു രസം കെടുത്തി. പിന്നേയ്, ഒടുക്കം തോന്നിയത് നമ്മുടെ കിലുക്കത്തില്‍ ലാലേട്ടന്‍ തിലക(സാര്‍)നോട് പറയുന്ന ഒരു ഡയലോഗ് ആണ്‌. അതിങ്ങനെ - "കള്ളപ്പിള്ളേ......."
നട്സേട്ടാ, നല്ല ഒരു വ്യത്യസ്തത അനുഭവപ്പെടുന്ന പോസ്റ്റ്‌.

രഞ്ജിത് വിശ്വം I ranji said...

ഇത്രയും ജീവിതാനുഭവങ്ങള്‍ ഉള്ളവര്‍ക്കെ ഇത്രമാത്രം സൌഹൃദങ്ങള്‍ ഉണ്ടാക്കാന്‍ കഴിയൂ.. ബഹ്റൈന്‍ ബൂലോകത്തിലെ ഒരു ആളറിയാ മൂലയില്‍ ഇരുന്ന എന്നെ തിരക്കി ഈ ബൂലോക പുലി വന്നപ്പോള്‍ ഉണ്ടായ അതിശയം ആ സൌഹൃദസംഘത്തിന്റെ ഭാഗമായി വര്ഷം രണ്ട് കഴിഞ്ഞിട്ടും ഇപ്പോഴൂം മാറിയിട്ടില്ല. നമുക്കെപ്പോഴും ഇഷ്ടപ്പെടുന്ന ചിലരില്ലേ അവരിലൊരാളാണ് അച്ചായന്‍..
സജു അഭിമുഖം കലക്കി..

saju john said...

സജിമാഷെ..

ചോദ്യം 14. അതിലുള്ള ഉത്തരത്തില്‍ യേശുവിന് 11 ശിഷ്യര്‍ എന്നെഴുതിക്കണ്ടു.. ശരിക്കും അത് പനിന്നൊന്നോ അതോ പന്ത്രണ്ടോ?

യുദാസിനെ ഒഴുവാക്കിയാണോ ഈ പതിനൊന്നു. എങ്കില്‍ തിരുവത്താഴത്തിന് 12 ഉണ്ടായിരുന്നല്ലോ.

അങ്ങിനെ യുദാസിനെ ഒഴുവാക്കിയാല്‍, ഞാന്‍ കാണാതെപോയ ഒരാടിനെ തിരക്കിയെന്നൊക്കെ പറയുന്ന ബൈബിള്‍ വചനം അര്‍ത്ഥശുന്യമല്ലേ സജിമാഷിന്റെ സംസാരത്തില്‍.

കമന്റിലൂടെ വന്ന ചോദ്യങ്ങള്‍ക്ക് ഉത്തരം പറയുമെന്ന് കരുതുന്നു.

ചാര്‍ളി (ഓ..ചുമ്മാ ) said...

എപ്പോഴാണ്‍ എന്റെ ടേണ്‍..?

sijo george said...

നട്സ്ജീ.. അഭിമുഖം കലക്കി..:) ചോദ്യം ‘നേരെ’ ഉത്തരം ‘ചൊവ്വേ’.. ആ പരിപാടിയാ അല്ലേ..

പ്രേക്ഷകർക്കും ചോദിക്കാം എന്ന് പറഞ്ഞ സ്ഥിതിക്ക് സജിച്ചായോനോടൊരു ചോദ്യം:

‘നിരക്ഷരൻ’, നട്ടപിരാന്തൻ’, ‘നട്ട്സ്’ 'പോങ്ങു'..etc ഇതുപോലെയൊരു കീബോർഡ് പേര് (തൂലികാനാമം) സ്വീകരിക്കാത്തതെന്തുകൊണ്ടാണ്..?

Manoraj said...

ആദ്യം നട്ട്സിന് ഒരു ഹാറ്റ്സ് ഓഫ്. മാത്രമല്ല.ഞാൻ നട്ട്സിനെ ഹോളോചെയ്യുകയും ചെയ്യുന്നു. നിലവാരമുള്ള ചോദ്യങ്ങൾ.. അതിനേക്കാൾ നിലവാരമുള്ള ഉത്തരങ്ങൾ.
പിന്നെ, സജിയച്ചായാ, ആദ്യമേ ഒരു നന്ദി. ഒരിക്കലേ കണ്ടിട്ടുള്ളു എങ്കിലും എന്നെയും നല്ല സുഹൃത്താക്കിയതിൽ. സംസാരത്തിനിടയിൽ എപ്പോഴോ അച്ചായൻ പെന്തകോസ്റ്റ് ആണോ എന്ന് അന്ന് ആദ്യ കൂടികാഴ്ചയിൽ തന്നെ ഞാൻ ചോദിക്കാൻ കാരണം കുറെ പെന്തക്കോസ്റ്റ് സഭ വിശ്വാസികളെ അടുത്ത് പരിചയമുള്ളത് കൊണ്ടാണ്. അവരിലെ ചില മാനറിസങ്ങൾ അച്ചായനിൽ എനിക്ക് കാണാൻ കഴിഞ്ഞു. പക്ഷെ പൊതുവെ കാണുമ്പോൾ മുതൽ സുവിശേഷവും യേശുവിന്റെ അപദാനങ്ങളും പറയുന്ന അവരിൽ നിന്നും അച്ചായൻ വ്യത്യസ്തനായി തോന്നി. കാരണം ഒരിക്കൽ പോലും ആ വിഷയത്തിലേക്ക് ആഴത്തിൽ പോകാൻ അച്ചായൻ മുൻ കൈയെടുത്തില്ല എന്നത് തന്നെ.
ചില ഉത്തരങ്ങൾ ഡിപ്ലോമാറ്റിക്കായിരുന്നെങ്കിലും നല്ല ഒരു അഭിമുഖം തന്നെ ഇത്.

Anil cheleri kumaran said...

രസകരമായ ചോദ്യങ്ങള്‍. ഉത്തരങ്ങള്‍ മികച്ചവ തന്നെ. വറൈറ്റി പോസ്റ്റ്. താങ്ക് യു.

Visala Manaskan said...

:) ഇഷ്ടപ്പെട്ടു. പുതിയ പുതിയ കാച്ചലുകൾ വായിക്കാൻ വെയ്റ്റ് ചെയ്യുന്നു.

shaji.k said...

നന്നായിട്ടുണ്ട് അഭിമുഖം.:)

yousufpa said...

മാഷെ, താങ്കളുടെ ഈ നട്ടപ്പിരാന്ത് പ്രശംസനീയം തന്നെ.

വയ്സ്രേലി said...

കൊള്ളാം. കുറെ നാളെത്തി ഒരു ബ്ലോഗ്‌ കമ്പ്ലീറ്റ്‌ വായിച്ചു. നന്നായിടുണ്ട്.

അടുത്തത് എന്നുണ്ടാവും?

lekshmi. lachu said...

കൊള്ളാം ചോദ്യോത്തര പരിപാടി...ആസ്വാദ്യകരമായി വായിച്ചു.

അനില്‍കുമാര്‍ . സി. പി. said...

‘നട്ടപ്പിരാന്തന്റെ’ ഒട്ടും ‘പിരാന്ത’ല്ലാത്ത നല്ലൊരു ഉദ്യമം. രസകരം. ഒപ്പം നേരത്തേ പരിചയപ്പെടാന്‍ കഴിയാതെ പോയവരെ അറിയാനും കഴിയുന്നു.

Prasanna Raghavan said...

സജിയുടെ ബ്ലോഗില്‍ തന്നെക്കുറിച്ചുള്ള വിവരണങ്ങള്‍ വായിച്ചപ്പോള്‍ ആദ്യം സജിയൊരു തനി ക്രിസ്റ്റീയവാദിയാണ് എന്നു തോന്നിയിട്ടൂണ്ട്.

പക്ഷെ ബ്ലോഗുകളില്‍ സജി ചര്‍ച്ചക്കു കോണ്ടുവരുന്ന വിഷയങ്ങളുടെ ആഴം ശ്രദ്ദിക്കാനിടയായപ്പോള്‍ ആധാരണകള്‍ക്കു വ്യത്യാസമുണ്ടായി. അഭിപ്രായങ്ങളോട് പ്രതിപക്ഷ ബഹുമാനത്തോടെ പ്രതികരിക്കുന്നത് ബഹുമാനമര്‍ഹിക്കുന്ന സജിയുടെ ഒരു രീതിയാണ്.

നട്ടപ്പിരാന്തന്‍ നന്നായിട്ടൂണ്ട്. സജിയെന്ന ബ്ലോഗറെ കൂടൂതല്‍ പരിചയപ്പെടുത്തിയതില്‍.

To me the questions were very moderate and the answers pretty judicious. well done.

പാവപ്പെട്ടവൻ said...

ഇത് ഒരു.. ഒന്ന് ഒന്നര.. നാട്ടപിരന്താണ്... നന്നായിട്ടുണ്ട് .
ഞാന്‍ മൂന്നു ചോദ്യങ്ങള്‍ സജി മര്‍ക്കോസിനോട് ചോദിക്കുന്നു .
ചോദ്യം 1: മാനസിക ഉല്ലാസം തീരെകുറഞ്ഞ ഒരു രാജ്യത്ത് ജീവിക്കുന്ന നിങ്ങളുടെ സുഹൃത്തുക്കളായിട്ടുള്ള പ്രവാസികള്‍ സ്വതന്ത്രമായ താങ്കളള്‍ ജീവിക്കുന്ന രാജ്യത്തുവന്നു മദ്യപിച്ചാല്‍ അവരോടു അകലം കാണിക്കുന്നത് ന്യായമാണോ ?
ചോദ്യം 2: ഏറ്റവും നല്ല മത വിശ്വാസി ഏറ്റവും നല്ല രാഷ്ട്രിയക്കാരനാണ് എന്ന് പറയുന്നത് യുക്തിക്ക് നിരക്കുന്നതാണോ ? അല്ല എങ്കില്‍യെങ്കില്‍ എന്ത് കൊണ്ട് ?
ചോദ്യം 3: കമ്മ്യൂണിസ്റ്റു ചിന്താഗതി കാരനായിരുന്ന താങ്കള്‍ പൊന്തകോസ് മത വിശ്വാസി ആയതിനെ കുറിച്ച് പറയുന്ന യുക്തിപരമായ പുരോഗമനന്യായം എന്താണ് ?

ചാർ‌വാകൻ‌ said...

അങ്ങനെ ഹിമാലയചായനെ കൊണ്ടു പലതും പറയിച്ചു .അചായനല്ലേ മോന്‍ .

ഷൈജൻ കാക്കര said...

“പുതിയ സുഹൃത്തുകളെ സമ്പാദിക്കുമ്പോള്‍ കഴിയുമെങ്കില്‍ മദ്യപിക്കുന്നവരെ ഒഴിവാക്കാന്‍ ശ്രമിക്കാറുണ്ട്”

സജിക്ക്‌ നല്ലൊരു സുഹൃത്തിനെ നഷ്ടമായി... ഹല്ല പിന്നെ...

ജോഷി രവി said...

സജി മാര്‍ക്കോസ്‌ എന്ന ബ്ളോഗ്ഗറെ അടുത്തറിയാന്‍ ഏറെ ഉപകാരമായി ഈ ഇണ്റ്റര്‍വ്യൂ.

നല്ല ഉദ്യമം സാജു..

പിന്നെ സജിയോട്‌ മദ്യപന്‍ എന്നു കരുതി ആരെയും ഒഴിവാക്കാന്‍ നില്‍ക്കേണ്ട.. മദ്യപിക്കാത്തവരെക്കാള്‍ ഹൃദയവിശുദ്ധി ഉള്ളത്‌ മദ്യപിക്കുന്നവര്‍ക്കാണെന്ന്‌ എണ്റ്റെ അനുഭവം മനസ്സിലാക്കി തന്നിട്ടുണ്ട്‌. ഉദാഹരണത്തിന്‌ ഞാന്‍ തന്നെ :D

പൊറാടത്ത് said...

നട്ട്സിന്റെ ഈ പുതിയ പരിപാടി കൊള്ളാം.

അച്ചായനെ വെട്ടിലാക്കുന്ന ചോദ്യങ്ങള്‍ക്കൊക്കെ വിദഗ്ദമായ ഉത്തരങ്ങള്‍ :)

പതിവില്ലാതെ, കുറച്ച് അക്ഷരപിശകുകള്‍ കാണുന്നുണ്ടല്ലോ.

എറക്കാടൻ / Erakkadan said...

പാവം അച്ചായന്‍ ... ഗണപതി കൈ അവിടെ തന്നെ കൊടുത്തു അല്ലെ ....
പിണറായിന്നേ ഇത് പകുതിക്ക് വച്ച് നിന്ന് പോകല്ല് കേട്ടോ ..തുടരണം

കുഞ്ഞന്‍ said...

പ്രിയ നട്ടാപ്പീസ്...

ഈ പംക്തി മനോഹരമായിട്ടുണ്ട്, കാരണം ചോദ്യം ചോദിക്കുന്നയാളും ഉത്തരം പറയുന്നയാളും കേമന്മാർ..ഇത്തരം ചോദ്യങ്ങൾ ഒരു സാദാ ബ്ലോഗറോടായിരുന്നെങ്കിൽ (എന്നോട്)ഇത്ര തിളക്കമുണ്ടാകുമായിരുന്നില്ല..!! സെലിബ്രേറ്റികൾ ആശയക്കുഴപ്പത്തിൽ‌പ്പെട്ടുഴലുന്നതുകാണാൻ ഒരു രസം തന്നെയാണ്...തുടരട്ടെ ഈ യാത്ര വിത് കൂർത്തമൂർത്ത ശരങ്ങളുമായി...

ഇനി സജിമാ‍ഷിനോട് ഞാനൊരു ചോദ്യം ചോദിക്കുന്നു..വിവിധ വിശ്വാസങ്ങൾക്കനുസരിച്ച് നീന്തിത്തുടിച്ച സജിമാഷിന് ഇപ്പോൾ നിൽക്കുന്ന പ്ലാറ്റ് ഫോമിൽ നിന്നും മാറാതെ നിൽക്കുന്നത്; ഇമേജിനെ,ദാമ്പത്യ ബന്ധത്തിലെ വിള്ളൽ, കൂടെയുള്ള സമൂഹത്തിന്റെ(പെന്തക്കോസ്റ്റ്) വല ഇവയിലേതെങ്കിലുമാണൊ..? അതല്ല എനിക്ക് ഈ വിശ്വാസത്തിൽ നിന്നും സന്തോഷം കിട്ടുന്നുവെന്നാണ് പറയുന്നതെങ്കിൽ ആ വിശ്വാസപ്രമാണമനുസരിച്ചല്ലെ താങ്കൾ ജീവിത ചര്യകളല്ലെ അനുഷ്ഠിക്കേണ്ടത്..? (രൂപത്തിൽ പെരുമാറ്റത്തിൽ..)

Appu Adyakshari said...

നട്ട്സേ, വളരെ നന്നായിട്ടുണ്ട്. സജി അച്ചായനെ നേരിൽ അറിയാവുന്നതുകൊണ്ട് (അതു തന്നെ ഒരു ഫാന്റസി ആണ് : നേരിൽ അറിയാം എന്നു ഞാൻ പറയുമ്പോൾ ഒരു പത്തുപതിനഞ്ചു വർഷത്തെ പരിചയമാണ് എന്റെ മനസ്സിൽ, ശരിക്ക് വെറും ഒരു വർഷത്തെ പരിചയമേഉള്ളു താനും - ഇതാണു സജിച്ചായന്റെ മനസ്സിന്റെ കഴിവ്) ഈ ചോദ്യോത്തരം എനിക്ക് വളരെ ഇഷ്ടമായി....... ഇനി മറ്റൊരു വലിയ ഗുണം കൂടി സജിഅച്ചായനു ഉണ്ട്. അറിഞ്ഞുകൊണ്ട് തോൽക്കുക, അല്ലെങ്കിൽ വാദിക്കുന്നവരെ അവർ ജയിച്ചു എന്ന തോന്നൽ അവർക്കുണ്ടാക്കി വിടുക. അതും അദ്ദേഹത്തിൽ ഞാൻ കണ്ട ഒരു ഗുണമാണ്.

കൂതറHashimܓ said...

ആഹാ... നല്ല പരിപാടി
നടക്കട്ടെ
എല്ലാവരേയും അടുത്ത് അറിയാലോ....!!

ആദ്യപോസ്റ്റ് നട്ടപ്പിരന്തനെ സജു അഭിമുഖത്തില്‍ കാണുന്നതായാണ് കരുതിയിരുന്നത്

>>>ഒരു ബ്ലാക്ക് & വൈറ്റ്<<< സജി അച്ചായന്‍ അത്രക്ക് വെളുത്തിട്ടാ...??? (സാജു കറുത്തിട്ടാണോ എന്നിതില്‍ അര്‍ത്ഥമില്ലാ, സത്യം...ശരിക്കും സത്യം)

ഞാന്‍ ഇരിങ്ങല്‍ said...

സൌഹൃദവും അഭിമുഖവും ഇഷ്ടമായി. സ്നേഹമാണല്ലോ എല്ലാം. അതിന്‍ റെ ഒരു സന്തോഷവും. പുതിയ സംരംഭത്തിന് എല്ലാ ഭാവുകങ്ങളും
സ്നേഹപൂര്‍വ്വം
രാജു ഇരിങ്ങല്‍.

kichu / കിച്ചു said...

നട്ടപ്പിരാന്തന്റെ ഈ പിരാന്തും അതിനായി ആദ്യം കണ്ടെത്തിയ ആളും കൊള്ളാം:)
അച്ചായന്‍ മയിലെണ്ണ തേച്ചായിരുന്നോ ഉത്തരം എഴുതിയത്?? ചോദ്യങ്ങള്‍ക്കെല്ലാം നല്ല മെയ്‌വഴക്കത്തോടെ ഒഴിഞ്ഞ് മാറി കലക്കിയല്ലോ:))

അഭിനന്ദനങ്ങള്‍ രണ്ട് പേര്‍ക്കും.

siya said...

''നട്ടപിരാന്തന്‍'' ..ഈ പേര് വിളിക്കാനുള്ള ഒരുബ്ലോഗിണി ബുദ്ധിമുട്ട് ആര്‍ക്കു എങ്കിലും മനസിലാവുംമോ ??..ചെറുതാക്കി വിളിച്ചാല്‍ എന്‍റെ പേര് വെട്ടും എന്ന് ആണല്ലോ ഭൂലോകം മുഴുവന് അറിയിച്ചിരിക്കുന്നതും . . .ഹഹ



അപ്പോള്‍ അച്ചായനും ,നട്ടപിരാന്തന്‍ നും കൂടി കഴിഞ്ഞ വെള്ളി ആഴ്ച കൂടിയത് ഇതിനു ആയിരുന്നു അല്ലേ?എന്തൊരു ചോദ്യവും .അതിനു പറ്റിയ മറുപടികളും ...അതില്‍ എന്‍റെ മനസ്സില്‍ തട്ടിയതും ഇത് ത്തനെ ....ഒരു നല്ല പിതാവിന്റെ ധര്‍മം .............

''മക്കളെ ശിക്ഷിക്കുമ്പോല്‍ പലപ്പോഴും, അവര്‍ ചെയ്ത തെറ്റിന്റെ കാഠിന്യത്തേക്കാള്‍ എനിക്കു വന്ന കോപത്തിന്റെ അളവു ശിക്ഷയെ സ്വാധീനിക്കാറുണ്ട്. അതു തെറ്റു തന്നെ.




ഇതിനു മുകളില്‍ കിച്ചു എഴുതിയ വാചകം അച്ചായന്‍ കണ്ടില്ലേ ?(ചോദ്യങ്ങള്‍ക്കെല്ലാം നല്ല മെയ്‌വഴക്കത്തോടെ ഒഴിഞ്ഞ് മാറി കലക്കിയല്ലോ?)ആ ബെല്ലി dancer നെ കണ്ടത് കൊണ്ട് അത് എങ്കിലും പഠിക്കാന്‍ കഴിഞ്ഞു അല്ലേ അച്ചായാ ??.

മൊട്ടതലേ .എന്നോട് ഇതുപോലെ വല്ല ചോദ്യം ചോദിയ്ക്കാന്‍ പ്ലാന്‍ ഉണ്ടെങ്കില്‍ നേരത്തെ അറിയിക്കണം .കാരണം അതോടെ ഭൂലോകത്തില്‍ നിന്നും ബ്ലോഗിണി സിയയെ കാണാതെ പോയി എന്നും കേള്‍ക്കേണ്ടി വരും ..എന്തായാലും അടുത്ത ആള്‍ ആരാവും കാത്തിരിക്കുന്നു ... ..

siya said...

ചോദ്യം കുറച്ചു കൂടി ചെറുതാക്കിയാല്‍ .. മറുപടി പറയാന്‍ ഇഷ്ട്ടപെടുന്നവര്‍ക്കും കുറച്ചു കൂടി സന്തോഷം ആവില്ലേ ?വായിക്കുന്നവരുടെ തലയിലും അത് ഓടി കയറും എന്നും തോനുന്നു .ഉപദേശം അല്ലാട്ടോ ..ഇതൊക്കെ വായിക്കാനും താല്പര്യം ഉള്ളവരെ കണ്ടത് കൊണ്ട് പറഞ്ഞു എന്ന് മാത്രം ..എനിക്ക് വോട്ട് ചെയ്തു പോകാനും തോന്നിയില്ല . ..അത് കൊണ്ട് മോട്ടതലയോട് നേരിട്ട് തന്നെ പറയാം എന്ന് വിചാരിച്ചു ..എന്തായാലും ആശംസകള്‍ ..അടുത്തത് ഒരു ബ്ലോഗിണി ആവുമോ ?ആരാവും ആ ഭാഗ്യവതി !!!!!!!എന്നെ വിളിക്കല്ലേ എനിക്ക് ഭൂലോകത്തില്‍ ജീവിച്ചു കൊതി തീര്‍ന്നില്ല . ..ഹഹ .

ഷിനു മോഹന്‍ said...

സൌഹൃദങ്ങള്‍ തുടര്‍ന്നു കൊണ്ട് പോകുന്ന സജിയുടെ കഴിവ് എന്നെ അല്‍ഭുതപെടുത്താറുണ്ട്. ഓരോ സുഹൃത്തുക്കളുടെ ഒപ്പം കഴിയുമ്പോള്‍ അവരാണു തന്റെ ഏറ്റവും പ്രിയസുഹൃത്തു എന്ന തോന്നല്‍ ജനിപ്പിക്കും വിധമാണു ഈ അച്ചായന്റെ പെരുമാ‍റ്റം. കൃഷ്ണന്‍, തന്നെയാണു ഏറ്റവും അധികം പ്രേമിക്കുന്നത് എന്ന് ഓരോ ഗോപികമാരും വിശ്വസിക്കുന്നത് പോലെ നമ്മളെയും അച്ചായന്‍ ഒരു മായയിലകപ്പെടുത്തുന്നു.

ഒപ്പം പഠിച്ചിരുന്നപ്പോള്‍ ഈ പോസ്റ്റില്‍ പറഞ്ഞ മധുരഭാഷിണിയെത്തേടി ഒരവധിദിവസം ഞങ്ങള്‍ മലകയറി അവളുടെ വീട്ടീല്‍ ചെന്നതും കാണാതെ തിരിച്ചു പോന്നതും ഓര്‍മയിലോടിയെത്തുന്നു.
സാജു, ഈ ഉദ്യമം വളരെ നന്നായിടുണ്ട്. താങ്കളുടെപതിവ് ശൈലിവിട്ട് ഗൌരവായ ചോദ്യങ്ങളാണല്ലോ ഈ പോസ്റ്റില്‍.. അഭിനന്ദനങ്ങള്‍!

ബിന്ദു കെ പി said...

പതിവു ശൈലിയിൽ നിന്ന് വേറിട്ടു നിൽക്കുന്ന ഈ അഭിമുഖം വളരെ നന്നായി...

chithrakaran:ചിത്രകാരന്‍ said...

ഹഹഹഹ.....
സജി അച്ചായന്റെ ആത്മകഥയുടെ ചില ഏടുകളൊക്കെ
നട്ടപ്പിരാന്തന്‍ ഇളക്കിയെടുത്തിരിക്കുന്നല്ലോ ഭഗവാനെ !

എന്തായാലും സജിയുടെ ജീവിതത്തോടുള്ള സത്യസന്ധതയും, സൌഹൃദത്തോടുള്ള നട്ടപ്പിരാന്തും,
വിശ്വാസങ്ങളോടുള്ളു പരീക്ഷണാസക്തിയും,മുറം പോലുള്ള തുറന്ന മനസ്സും
വളരെ സ്പഷ്ടമായി സാജുവിന്റെ പ്രാന്തുകലരാത്ത
ഈ അഭിമുഖ പരീക്ഷണത്തില്‍ വിദഗ്ദമായി ഒപ്പിയെടുത്ത്
പ്രകാശിപ്പിക്കാനായിരിക്കുന്നു.
നട്ടപ്പിരാന്തനും,ഹിമാലയന്‍ അച്ചായനും ചിത്രകാരന്റെ
സ്നേഹശൂന്യമായ അഭിനന്ദനങ്ങള്‍ !!!
ഹഹഹഹ......

Ashly said...

വളരെ നല്ലത് !!!!

K@nn(())raan*خلي ولي said...
This comment has been removed by the author.
K@nn(())raan*خلي ولي said...

ചോദ്യം:
"കണ്ണൂരാനെ,
ജീവിതത്തില്‍ മദ്യവും, മയക്ക് മരുന്നുകളും ഉപയോഗിച്ചിരുന്നോ? അത് തുടരുന്നുണ്ടോ. ഇല്ലെങ്കില്‍ അതിനുള്ള കാരണമെന്ത്?"

ഉത്തരം:

ഇതുവരെയില്ല. ഇപ്പോള്‍ ആവശ്യത്തിലധികം ലഹരി ബ്ലോഗും പോസ്റ്റുകളും കമന്റുകളും തരുന്നുണ്ട്. (ഹ..ഹ..ഹാ..)

ഒരു യാത്രികന്‍ said...

ഇത്തിരി വൈകി....സജി അചായെന്റെ കൂടുതല്‍ അറിയാന്‍ കഴിഞ്ഞു. ഒരു നല്ല മനസ്സിന്‍റെ വ്യക്തിത്വത്തിന്റെ ഉടമ...ഈ ചോദ്യമൊക്കെ നിരക്ഷരനോടും ചോദിക്കണേ....എന്താ ഉത്തരം എന്ന് നോക്കട്ടെ.മുടിയും നീട്ടിയുള്ള ഗൊച്ചു കള്ളന്റെ നില്പ് കണ്ടില്ലേ......സസ്നേഹം

kARNOr(കാര്‍ന്നോര്) said...

അകവും പുറവും വെള്ളയായ അച്ചായനെ പരിചയപ്പെടുത്തിയതിനു നന്ദി..